Հայաստանի Հանրապետության պարենային անվտանգության մակարդակի բարձրացման և գյուղատնտեսության կարևորագույն արտադրատեսակների ներկրումից կախվածության նվազեցման, ինչպես նաև գյուղատնտեսության ոլորտում բուսաբուծական արտադրանքի ծավալների ավելացման և ցանքատարածությունների ընդլայնումը խթանելու նպատակով բուսաբուծության աջակցության ծրագրի շահառուներին տրվում է փոխհատուցում։
Փոխհատուցումը տրամադրվում է հետևյալ սահմանաչափերով՝
1․ գարնանացան հացահատիկային մշակաբույսերի մշակության յուրաքանչյուր 1 հեկտար մակերեսի հաշվով՝ 70000 դրամ, իսկ եգիպտացորենի մշակության յուրաքանչյուր 1 հեկտար մակերեսի հաշվով՝ 85000 դրամ․
2․ աշնանացան ցորենի մշակության յուրաքանչյուր 1 հեկտար մակերեսի հաշվով՝ 80000 դրամ․
3․ հատիկաընդեղեն մշակաբույսերի մշակության յուրաքանչյուր 1 հեկտար մակերեսի հաշվով՝ 100000 դրամ․
4․ կերային մշակաբույսերից առվույտի, կորնգանի 1 հեկտար մակերեսի մշակության հաշվով՝ 110000 դրամ, կերի ճակնդեղի համար՝ 80000 դրամ։
Ծրագրին առավել մանրամասն կարող եք ծանոթանալ կից ֆայլում կամ դիմել Գորիսի համայնքապետարանի գյուղատնտեսության և հողօգտագործման բաժին։