Գորիսի քաղաքապետարանի պաշտոնական կայք

23.11.23 Գորիսը շուտով երեկոյան ժամերին հեքիաթային տեսք կստանա

Գորիսը շուտով երեկոյան ժամերին հեքիաթային տեսք կստանա, կլուսավորվեն Գորիսի ժայռերը: Ժայռերի լուսավության ծրագրի նախագծային աշխատանքները ավարտական փուլում են, ավարտից հետո կմեկնարկեն լուսավորության անցկացման աշխատանքները: Լուսանկարներում լուսավորվող ժայռերի նախնական տեսքն է: Լույսերը լինելու են միագույն, սակայն հնարավոր է լինելու երանգները փոխել տարվա տարբեր եղանակներին համահունչ: Ծրագիրը Գորիսի գրավչությունը էլ ավելի բարձրացնելու նոր հնարավորություն է, որն իրականացվելու է Գորիսի համայնքապետարանի կողմից՝ Գերմանական միջազգային համագործակցության ընկերության (GIZ) կողմից իրականացվող «Լավ կառավարում հանուն տեղական զարգացման Հարավային Կովկասում» ծրագրի շրջանակներում, ... Մանրամասն

22.11.23 Վերիշեն բնակավայրում կրթական և ժամանցային կենտրոն է ստեղծվում

Վերիշեն բնակավայրում կրթական և ժամանցային կենտրոն է ստեղծվում։ Բնակավայրի վարչական ղեկավարի նստավայրի առաջին հարկում կապիտալ վերանորոգվում է մեկ սենյակ, որտեղ երիտասարդները կկարողանան աշխատել համակարգիչներով, ստանալ համակարգչային կրթություն։ Ժամանցի կազմակերպման պայմաններ են ստեղծվում նաև ավագ սերնդի ներկայացուցիչների համար` նրանք կկարողանան կենտրոնում խաղալ նարդի, շաշկի, կազմակերպել իրենց առօրյան։ Կարևոր է բնակավայրերում նման կենտրոնների հիմնումը, որը հնարավորություն է տալիս և' մեծահասակներին, և' երիտասարդներին ստանալ կրթություն, ունենալ զբաղվածություն, վերականգնել և պահպանել հին ու բարի ավանդույթները։ Ծրագիրն իրականացվում է Գորիսի համայնքապետարանի, UNHSR-ի և ՄԱԶԾ «Կայուն համայնքներ» ... Մանրամասն

20.11.23 «Եղիր հրեշտակը» ֆրանս-հայկական ներկայացումը Վ․ Վաղարշյանի անվան պետական դրամատիկական թատրոնի բեմում

Գորիս-Վիեն քույր քաղաքների համագործակցության շրջանակներում Ֆրանսիայից ժամանած պատվիրակության անդամների կողմից Գորիս համայնքի երիտասարդների համար կազմակերպվել էին եռօրյա պարային սեմինարներ` «Ալե Էգայան» պարային համույթի և ֆրանսահայ կոմպոզիտոր Միշել Պետրոսյանի «Ասոնանս» անսամբլի գլխավորությամբ։ Սեմինարներն անց են կացրել Ֆրանսիայից ժամանած պարային խմբերը` «Վահե Մելքումյան» պարային ստուդիայի սաների հետ։Սեմինարներից հետո Գորիսի Վաղարշ Վաղարշյանի անվան դրամատիկական թատրոնի դահլիճում տեղի է ունեցել «Եղիր հրեշտակը» ֆրանս-հայկական ներկայացումը, որը երգի, պարի և պոեզիայի մի յուրահատուկ համարդրություն էր։ Բեմում «Ալե Էգայան» պարային համույթի և ... Մանրամասն

17.11.23 Խնձորեսկի պատմության թանգարանի դռները և պատուհանները փոխարինվել են նորերով

Խնձորեսկի պատմության թանգարանի դռները և պատուհանները փոխարինվել են նորերով։ Շուրջ 50 տարի անց Խնձորեսկի պատմության թանգարանը նոր տեսք և շունչ է ստացել` փոխվել են դեռևս 1968 թվականին տեղադրված, անմխիթար վիճակում գտնվող դուռ-պատուհանները։

Նոր տեսք է ստացել նաև Ներքին Խնձորեսկ բնակավայրի վարչական ղեկավարի նստավայրը` տեղադրվել են նոր պատուհաններ և մուտքի դուռ։

Նոր պատուհաններ տեղադրվեցին նաև Ներքին Խնձորեսկի միայնակ բնակչուհի Ասյա Արչունցի տանը։

Վերը նշված աշխատանքներն իրականացվել են Գորիսի համայնքապետարանի նախաձեռնությամբ։

17.11.23 Մեր պատանի ըմբիշը` ոսկե մեդալակիր

Մեր պատանի ըմբիշը` ոսկե մեդալակիր։

Նոյեմբերի 12-ին Վաղարշապատի մանկապատանեկան մարզադպրոցում անցկացվեց ազատ ոճի ըմբշամարտի առաջնություն` նվիրված Արցախի հերոս, ՀՀ վաստակավոր մարզիչ Անդրանիկ Եդիգարյանի հիշատակին։Մրցաշարին մասնակցում էին ՀՀ մարզերից և Երևանից պատանի ուժեղ ըմբիշներ:

Մրցաշարին մասնակցում էին նաև Գորիսի մանկապատանեկան մարզադպրոցի պատանի ըմբիշները։

Գերազանց հանդես եկավ մեր մարզադպրոցի սան Աշոտ Աթաբեկյանը` 35-կգ քաշային կարգում լարված պայքարում գրավելով առաջին տեղն ու նվաճեց ոսկե մեդալ։

Շնորհավորում ենք մեր սաներին ու նրանց մարզիչներին`Ալիկ Հովսեփյանին, Գալուստ Հակոբյանին և փոխտնօրեն Հարութ Բուլբուլյանին մարզական ձեռքբերումների համար՝ ցանկանալով նորանոր հաջողություններ։

08.11.23 Մաքուր Գորիս

Գորիսում աղբահանության հարցը մշտապես մնում է ուշադրության կենտրոնում։ Աշնանային այս օրերին, երբ արդեն տերևաթափ է, ինչպես կենտրոնական, այնպես էլ ծայրամասին փողոցները մաքրվում են նաև տերևներից, մաքրվում են աղբատեղիները, հարակից տարածքները, փողոցները բարեկարգ տեսքի են բերվում` Գորիսում ամենօրյա ռեժիմով աղբահանություն է կատարվում։ Համայնքում կարևորվում է որակյալ ծառայությունների մատուցումը, իսկ «Գորիսի կոմունալ ծառայություն» ՀՈԱԿ-ի աշխատակիցները բարեխղճորեն կատարում են իրենց աշխատանքը։

06.11.23 Թիվ 7 մանկապարտեզի ջեռուցման խնդիրը վերջնականապես լուծվել է

Գորիս համայնքի թիվ 7 մանկապարտեզը ջեռուցվում էր մասնակի. մեծ շենքի ամբողջական ջերմապահովումը մանկապարտեզի համար խնդիր էր: Խնդիրը, սակայն, ամբողջական լուծվել է գործարար Վազգեն Գևորգյանի աջակցությամբ։ Ջեռուցման նոր համակարգ է տեղադրվել միջանցքում, երկու խմբասենյակներում: Գորիսի համայնքապետարանը շնորհակալություն է հայտնում գործարարին կարևոր նշանակության խնդրի լուծման հարցում համայնքին աջակցելու համար: Հիշեցնենք, որ թիվ 7 մանկապարտեզ հաճախում է 115 երեխա, այդ թվում` Արցախից տեղահանված 11 երեխա:

1 2 3 4 5 6 7 8 9 10 ...