Գորիս համայնքի հարգելի՛ բնակիչներ

Սիրով տեղեկացնում ենք, որ մեր համայնքում շատ շուտով կմեկնարկի գյուղատնտեսության աջակցության և զարգացման GoShuka նախագիծը։ Նախագծի շրջանակներում ստեղծվելու է արդյունավետ և թափանցիկ հարթիկ, որը հնարավորություն է տալու մեր ֆերմերներին, գյուղացիական տնտեսություններին ուղղակիորեն վաճառելու իրենց սեփական արտադրանքն առցանց տարբերակով։ Նախագծի այս փուլում գյուղմթերքների սկզբնական սպառողները Երևան քաղաքի բնակիչներն են։ Մեր համայնքի տարածքից գնորդների կողմից պատվիրված ապրանքները պահեստավորվելու են Խնձորեսկ բնակավայրում, փաթեթավորվեն և առաքվեն մայրաքաղաք՝ համապատասխան պավիրատուներին։ Վաճառողներից միայն պահանջվում է պատվիրված ապրանքները հասցնել պահեստ՝ Խնձորեսկի Մշակույթի տուն։ 

Նախագծից օգտվելու համար անհրաժեշտ է պարզապես ներբեռնել բջջային հավելվածը QR կոդի օգնությամբ, գրանցվել հարթակում որպես վաճառող և նկարագրել Ձեր գյուղմթերքը։

Լրացուցիչ հարցերի դեպքում կարող եք դիմել Գորիսի համայնքապետարանի գյուղատնտեսության բաժին կամ բնակավայրերի վարչական ղեկավարներին։