Հայաստանի Հանրապետության Սյունիքի մարզի Գորիս համայնքը հայտարարում է ընդհանուր օգտագործման ավտոմոբիլային տրանսպորտով ուղևորների կանոնավոր փոխադրումներ իրականացնող կազմակերպություններ և անհատ ձեռնարկատերեր ընտրելու մրցույթ՝ թիվ 1, թիվ 2, թիվ 3, թիվ 4 ավտոբուսային և միկրոավտոբուսային երթուղիների համար.

ՄՐՑՈՒՅԹԻ ՄԱՍՆԱԿՑՈՒԹՅԱՆ ՀԱՄԱՐ ԱՆՀՐԱԺԵՇՏ ՓԱՍՏԱԹՂԹԵՐԻ

1. Հայտ՝ համաձայն Հայաստանի Հանրապետության Կառավարության 2020 թվականի դեկտեմբերի 3-ի N 1994-Ն որոշման N2 ձևի։

2.* Ավտոբուսների գրանցման վկայագրեր (ժամանակավոր կտրոն):

3.*Ավտոբուսի նկատմամբ սեփականության կամ օգտագործման իրավունքի առկայությունը հավաստող փաստաթուղթ:

4.*Ավտոբուսն այլ տեuակի վառելիքով շահագործելու համար վերաuարքավորելու (կահավորելու) դեպքում` շահագործման և վերասարքավորման oրինականությունը հաuտատող փաuտաթուղթ:

5. Հավաքակայանի սեփականության կամ օգտագործման իրավունքը հավաստող փաստաթղթեր,գիշերակացով երթուղիների դեպքում վերջնակետում ավտոբուսների կայանումը, պահպանումը, նախաուղերթային տեխնիկական զննումը և վարորդների բուժզննումն ապահովելու նպատակով կնքված պայմանագրեր:

6. Ավտոկայարանային ծառայություն մատուցող կազմակերպության հետ կնքված սպասարկման նախնական, իսկ ներհամայնքային փոխադրումների դեպքում երթակարգավարական ծառայություններ մատուցող կազմակերպության հետ կնքված ծառայություններ մատուցելու նախնական պայմանագիր (գործող պայմանագրի առկայության դեպքում նախնական պայմանագիր չի պահանջվում):

7. Փակ ծրարով ներկայացնում է երթուղու uպաuարկման համար առաջարկվող մեկ ուղևոր և ուղեբեռ (եթե սահմանված է) փոխադրավարձը։ Նշված փաստաթղթերի պատճենները ներկայացվում են մեկ օրինակից, կազմակերպության կողմից սոսնձված և ստորագրված փաթեթով:

*Չի ներկայացվում հայտ-պարտավորագիր ներկայացնելու դեպքում։

Մրցույթի անցկացման օրը՝ 2025 թվականի օգոստոսի 20-ին ժամը՝ 11:00-ին, ՀՀ Սյունիքի մարզ, ք. Գորիս, Անկախության 3 հասցեում, համայնքապետարանի նիստերի դահլիճ։

Փաթեթների բացման oրը՝ 2025 թվականի օգոստոսի 19-ին, ժամը 11։00-ին՝ ՀՀ Սյունիքի մարզ, ք. Գորիս, Անկախության 3 հասցեում, համայնքապետարանի նիստերի դահլիճ։

Հայտերն ընդունվում են ՀՀ Սյունիքի մարզ ք. Գորիս, Անկախության 3 հասցեում, համայնքապետարանի վարչական շենքում, ամեն օր՝ ժամը 9 :00 – 17:00, բացի շաբաթ և կիրակի օրերից:

Հայտերը ներկայացնելու վերջնաժամկետն է՝ 2025 թվականի օգոստոսի 13-ին ժամը 17։00-ն։

Մրցույթն անց է կացվում Հայաստանի Հանրապետության Կառավարության 2020 թվականի դեկտեմբերի 3-ի N 1994-Ն որոշման պահանջներին համապատասխան։ Չվացուցակներին ծանոթանալու համար անցնել հետևյալ հղումներով՝

https://goriscity.am/Pages/Misc/Announces/view.aspx?recID=769

https://goriscity.am/Pages/Misc/Announces/view.aspx?recID=770

https://goriscity.am/Pages/Misc/Announces/view.aspx?recID=771

https://goriscity.am/Pages/Misc/Announces/view.aspx?recID=772

Լրացուցիչ տեղեկությունների համար զանգահարել՝ +374-284-2-25-52 հեռախոսահամարով։