Ղեկավարվելով «Տեղական  ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 21-րդ կետով, Հայաստանի Հանրապետության հողային օրենսգրքի 51-րդ հոդվածի 3-րդ կետով, 72-րդ հոդվածով, «Քաղաքաշինության մասին» Հայաստանի  Հանրապետության  օրենքի 14³   հոդվածի   8-9 կետերով, Հայաստանի  Հանրապետության  կառավարության    2011   թվականի   դեկտեմբերի 29-ի «Հայաստանի Հանրապետության  համայնքների (բնակավայրերի) գլխավոր  հատակագծերի և համակցված տարածական  պլանավորման  փաստաթղթերի  մշակման, փորձաքննության, համաձայնեցման, հաստատման ու փոփոխման կարգը հաստատելու և Հայաստանի Հանրապետության  կառավարության 2003 թվականիմայիսի 2-ի N 609-Ն ու 2010 թվականի մարտի 4-ի N 208-Ն  որոշումներն  ուժը  կորցրած   ճանաչելու  մասին» N 1920 և 2001 թվականի  ապրիլի 12-ի «Պետական  և համայնքային սեփականություն հանդիսացող հողամասերի օտարման, կառուցապատման իրավունքի և օգտագործման տրամադրման կարգը հաստատելու մասին» N 286 որոշումներով, հիմք ընդունելով Հայաստանի Հանրապետության կառավարության 07. 02. 2008թ-ի  հողերի  կատեգորիան փոխելու  մասին  N 123-Ն որոշումը, Խնձորեսկ գյուղի  ավագանու  01.11.2005թ N20 որոշումը, 1998 թվականի նոյեմբերի 17-ի «Հայաստանի Հանրապետության սահմանամերձ բնակավայրերի ցանկը հաստատելու մասին» N 713 որոշումը և Գորիս համայնքի ղեկավարի առաջարկությունը, 

1. Հաստատել Հայաստանի Հանրապետության Սյունիքի մարզի Գորիս համայնքի Խնձորեսկ  /բնակավայրի/  գլխավոր հատակագծում կատարվող փոփոխությունները և համայնքի վարչական տարածքում գտնվող, համայնքային սեփականություն հանդիսացող գյուղատնտեսական նշանակության հողերից 5.4 հա վարելահողը  փոխադրել բնակավայրերի կատեգորիա՝ բնակելի կառուցապատման համար:
2. Սույն որոշման 1-ին կետով նպատակային նշանակությունը փոխված 5.4հա հողամասերը՝ համաձայն հավելվածի, անհատույց սեփականության իրավունքով (նվիրատվություն) օտարել 2005 թվականին աճուրդին մասնակցած բնակիչներին՝ անհատական բնակելի տների կառուցման և սպասարկման համար:
3. Հայաստանի Հանրապետության Սյունիքի մարզի Գորիս համայնքի ղեկավարին՝ ձեռնարկել սույն  որոշումից բխող անհրաժեշտ  գործառույթների  իրականացումը: