Զեկ. ԳԱՐԵԳԻՆ ՓԱՐՍՅԱՆ

Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 29) կետի, Հայաստանի Հանրապետության Հողային օրենսգրքի 3-րդ հոդվածի 1-ին մասի և 67-րդ հոդվածի դրույթներով, «Քաղաքաշինության մասին» Հայաստանի հանրապետության օրենքի 14³ հոդվածի 8-9 կետերով, համաձայն Հայաստանի Հանրապետության կառավարության 2011 թվականի դեկտեմբերի 29-ի N1918-Ն, 2001 թվականի ապրիլի 12-ի «Պետական և համայնքային սեփականություն հանդիսացող հողամասերի օտարման, կառուցապատման իրավունքի և օգտագործման տրամադրման կարգը հաստատելու մասին» N 286 որոշումների, հիմք ընդունելով  Հայաստանի Հանրապետության վարչապետի 13.08.2001թ. N599 որոշմամբ ստեղծված «Հողերի օգտագործման ժամանակավոր սխեմաների համաձայնեցման միջգերատեսչական հանձնաժողովի» 2020թվականի հուլիսի 1-ի N77 դրական եզրակացությունը, հիմք ընդունելով Գորիս համայնքի ղեկավարի առաջարկությունը, որոշման նախագծի քվեարկության արդյունքներով՝ կողմ՝ 8, դեմ՝ 0, ձեռնպահ՝ 0 

1. Հաստատել Հայաստանի Հանրապետության Սյունիքի մարզի Գորիս համայնքի Խնձորեսկ բնակավայրի հողերի օգտագործման ժամանակավոր սխեմայում առաջարկվող փոփոխությունը, ըստ որի նախատեսվում է Խնձորեսկ բնակավայրում գտնվող գյուղատնտեսական նշանակության այլ հողատեսքի հողերից 0.25 հեկտարը /ծածկ. 09-045-0103/ փոխադրել արդյունաբերության, ընդերքօգտագործման և այլ արտադրական հողերի կատեգորիա՝ «գյուղարտադրական օբյեկտներ» գործառնական նշանակությամբ՝ սպանդանոց կառուցելու նպատակով:
2. Սույն որոշման 1-ին կետով նպատակային նշանակությունը փոխված 0,25 հա հողամասերը աճուրդային կարգով օտարել, մեկ քառակուսի մետրը 810 (ութ հարյուր տասը) ՀՀ դրամ արժեքով:
3. Համայնքի ղեկավարին` ապահովել սույն որոշումից բխող գործառույթների իրականացումը: