Ղեկավարվելով «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի 1-ին մասի 24-րդ կետով, Հայաստանի Հանրապետության կառավարության  1997 թվականի մարտի 14-ի թիվ 51 որոշմամբ,  հիմք ընդունելով Գորիսի համայնքի ավագանու 2022 թվականի հոկտեմբերի 28-ի թիվ 146-Ա որոշումը, հիմք ընդունելով անշարժ գույքի գնահատման N326 հաշվետվությունը (որակավորման վկայական N ԱԳԳ 327) և Գորիս համայնքի Գորիս քաղաքի  բնակիչ Ներսես Շադունցի 2022 թվականի սեպտեմբերի 6-ի դիմում-խնդրանքը  

1. ՀՀ Սյունիքի մարզի Գորիս համայնքի Գորիս քաղաքի Գ.Տաթևացի փողոցի թիվ 13/2 հասցեում Ներսես Շադունցին և Մարյամ Մանուկյանին ընդհանուր համատեղ սեփականություն հանդիսացող բնակարանի տակ գտնվող համայնքի սեփականություն հանդիսացող Գորիս քաղաքի Գ.Տաթևացու փողոցի թիվ 13/19 հասցեի 60,8քմ մառանը (կադաստրային ծածկ. 09-003-0108-0006-001-019), որը հնարավոր չէ որպես առանձին գույքային միավոր օտարել հրապարակային սակարկության միջոցով, ուղղակի վաճառքի ձևով օտարել Ներսես Շադունցին և Մարյամ Մանուկյանին, գույքի գին սահմանել 650 000 (վեց հարյուր հիսուն հազար) ՀՀ դրամ` համաձայն անշարժ գույքի  գնահատման N326 հաշվետվության (որակավորման վկայական N ԱԳԳ 327):
2. Սահմանել, որ Գնորդը պարտավոր է սույն որոշման ընդունման պահից 30-օրյա ժամկետում անշարժ գույքի համար սահմանված գումարը` 650 000 (վեց հարյուր հիսուն հազար) ՀՀ դրամ վճարել Գորիս համայնքի բյուջեի N 900285125440  հաշվին:
3. Լիազորել Գորիսի համայնքապետարանի աշխատակազմի ֆինանսատնտեսական և եկամուտների հավաքագրման բաժնի պետի տեղակալ Վահե Պողոսյանին, անշարժ գույքի համար նախատեսված գումարի վճարումից հետո, 10-օրյա ժամկետում Գորիսի համայնքի ղեկավարի անունից Գնորդի հետ կնքել անշարժ գույքի ուղղակի վաճառքի պայմանագիր:
4. Նախազգուշացնել Գնորդին, որ անշարժ գույքի ուղղակի վաճառքի պայմանագիրը Հայաստանի Հանրապետության օրենսդրությամբ սահմանված կարգով ենթակա է նոտարական վավերացման, իսկ դրանից ծագող իրավունքները` 30-օրյա ժամկետում պետական գրանցման:
5. Սույն որոշումից բխող գործառույթներն իրականացնել օրենսդրությամբ սահմանված կարգով: