Այսօր: Հինգշաբթի, 17 Հունվարի 2019թ.
Գորիսի համայնքապետարանի պաշտոնական կայք
Հյուրերի քանակը՝ 399
ՀՀ ՍՅՈՒՆԻՔԻ ՄԱՐԶԻ ԳՈՐԻՍ ՀԱՄԱՅՆՔ

ՆՈՐՈՒԹՅՈՒՆՆԵՐ
28.12.18 Ամանորի կապակցությամբ փոքրիկ անակնկալներ հաշմանդամություն ունեցող երեխաներին

Ամանորին ընդառաջ Գորիսի համայնքապետարանի սոցաշխատող Մարիաննա Աբգարյանը հերթական տունայցերն է կատարել համայնքի հաշմանդամություն ունեցող երեխաների ընտանիքներ, փոքրիկ անկնկալ մատուցել։ Համայնքի ղեկավարի անունից ընտանիքների բոլոր երեխաներին Ամանորի տոպրակներ է հանձնել։

28.12.18 Առուշ Առուշանյանի շնորհավորական ուղերձը Ամանորի ու Սուրբ Ծննդյան տոների կապակցությամբ
Սիրելի՛ հայրենակիցնե՛ր, Գորիս համայնքի սիրելի՛ բնակիչներ,  Շնորհավորում եմ բոլորիս Նոր տարվա և Սուրբ Ծննդյան տոների առթիվ:  Նոր տարին ընտանեկան տոն է բոլորիս համար, նաև ամենասպասվածը՝ նոր հույսերի, ակնկալիքների առումով ։ Տա Աստված, որ իրականանան գալիք տարվա հետ կապված բոլոր ցանկություններն ու երազանքները։ Անցնող տարին հագեցած էր տարբեր իրադարձություններով, ձեռքբերումներով։ Արդյունավետ աշխատանքի արդյունքում մենք կարողացանք մի շարք ոլորտներում դրական տեղաշարժեր արձանագրել` մեր միասնականության, թիմային աշխատանքի, մեր բնակիչների վստահության, նվիրումի, համայնքի նկատմամբ ունեցած սրտացավության շնորհիվ: Համայնքում իրականացվող սոցիալական, տնտեսական զարգացմանն ուղղված նախաձեռնություններից, ... Մանրամասն
27.12.18 Բարեկարգվում է Խնձորեսկից Ներքին Խնձորեսկ տանող ճանապարհը

Շուրջ 6 կմ ճանապարհահատվածը տևական ժամանակ է քարուքանդ և դժվարանցանելի էր։ Գորիս համայնքի ղեկավար Առուշ Առուշանյանի հանձնարարականով մեկնարկել են ճանապարհի բարեկարգման աշխատանքները։ Փոսալցվում և հարթեցվում է Խնձորեսկից դեպի Ներքին Խնձորեսկ տանող ճանապարհահատվածը։

26.12.18 Գորիսում վառվեցին տոնածառի լույսերը։

Գորիսի կենտրոնական հրապարակում մեկնարակել են Ամանորի միջոցառումները: Այսօր վառվում են համայնքի գլխավոր տոնածառի լույսերը:

26.12.18 Տոնական համերգ` Գորիսի «Համագործակցության կամար» բարեգործական ճաշարանում

Գորիսի համայնքապետարանի աջակցությամբ այսօր տոնական միջոցառում էր կազմակերպվել տարեցների համար։ «Համագործակցության կամար» բարեգործական ճաշարանի շահառուների համար մատուցվել է տոնական ճաշ։ Գ. Աշոտի անվան ժողգործիքների համույթի մասնակցությամբ` տեղի է ունեցել տոնական համերգ։ Գորիսի համայնքապետարանը տրամադրել է 70. 000 դրամ` տարեցների համար նվերներ ձեռք բերելու համար։ Տոնական այս փոքրիկ նախաձեռնությունը առիթ էր ուշադրությունից դուրս մնացած տարեցների օրը բովանդակալից դարձնելու և ժպիտներ պարգևելու համար։

 
25.12.18 Տոպրակներ են տրամադրվում ամբողջ համայնքի թվով 1200 երեխաների
Գորիսի համայնքապետարանը այս տարի տոնական միջոցառումներ է նախաձեռնել համայնքի բոլոր բնակավայրերում: 9 բնակավայրերի համար ձեռք են բերվել տոնածառներ, խաղալիքներ և լույսեր: Գ. Աշոտի անվան ժողգործիքների համույթի, ԳՊԴԹ դերասանների մասնակցությամբ բնակավայրերում տեղի են ունենում համերգներ, հեքիաթի հերոսների մասնակցությամբ՝ երաժշտական շոուներ:  Արդե ն բաշխվում են Ամանորի տոպրակները: Տոպրակներ են տրամադրվում ամբողջ համայնքի թվով 1200 երեխաների, այդ թվում՝ բնակավայրերում մանկապարտեզ չհաճախող և համայնքի առաջին կարգի հաշմանդամություն ունեցող երեխաներին: Այս տարի տոպրակներ են ստացել նաև համայնքային ենթակայության տարբեր հաստատությունների երեխաներ, ովքեր ամբողջ տարին ակտիվ մասնակցել են համայնքում իրականացվող ... Մանրամասն
24.12.18 Գորիսում պրոֆեսիոնալ ֆուտբոլի զարգացմանն ուղղված ծրագրերը կյանքի են կոչվում. մեկնարկում են ֆուտբոլի դաշտի հիմնանորգման աշխատանքները
Շվեցարահայ բարերարի ֆինանսական օժանդակությամբ, ՀՖՖ և Գորիսի համայնքապետարանի հետ համատեղ մեկնարկում են ֆուտբոլի դաշտի հիմնանորգման աշխատանքները, համայնքում ֆուտբոլի զարգացմանն ուղղված ծրագրերը։ Գորիսում հիմնվում է նաև ակադեմիա` մինչև 300 երեխայի համար։ Ծրագրի շրջանակներում  սերտ համագործակցություն է սկսվել նաև ՖԱ Արցախ ֆուտբոլային ակումբի հետ։ Դաշտի հիմնանորոգումից հետո, համատեղ համագործակցության արդյունքում երկուստեք ջանքերն ուղղվելու են Գորիսում ֆուտբոլը պրոֆեսիոնալ մակարդակի հասցնելու համար։ Գորիսի համայնքապետարանը բարձր է գնահատում համագործակցող բոլոր կողմերի ջանքներն ու պատրաստակամությունը համայնքում սպորտային կյանքի զարգացումը խրախուսելու, խոշոր ներդրումների և վստահության համար։ ... Մանրամասն
24.12.18 Առաջին կարգի զինհաշմանդամություն ունեցող Արամ Սարգսյանը կաշխատի Գորիսի սպորտդպրոցում. Համայնքի ղեկավարը Ամանորին ընդառաջ տեսակցել է Արամին և աշխատանքի առաջարկ արել
Արամ Սարգսյանը 2000թ.-ին՝ զինծառայության ընթացքում, հրազենային վնասվածք է ստացել: «Արիության համար» մեդալի արժանացած երիտասարդը շուրջ 18 տարի անվասայլակին է, տանը:
Արամը միակն է Գորիս համայնքում, ով ունի առաջին կարգի զինհաշմանդամություն: Ամանորին ընդառաջ Առուշ Առուշանյանն այցելել է Արամին և առաջարկել աշխատանքի անցնել սպորտդպրոցում: Համայնքի ղեկավարի հետ խոսվել է տեղաշարժման հնարավորության և Արամի համար ավտոմեքենա ձեռք բերելու հարցի մասին: Առաջիկայում ֆոնդերի հայթայթման ուղղությամբ աշխատանք կտարվի: Համայնքի ղեկավարի որոշմամբ Ամանորին ընդառաջ դրամական աջակցություն են ստացել նաև համայնքում առաջին կարգի հաշմանդամություն ունեցող անձինք:
1 2 3 4 5 6 7 8 9 10 ...


Բոլորը
ԱՎԱԳԱՆՈՒ ՆԻՍՏԵՐ
ՄԵՐ ԿՈՆՏԱԿՏՆԵՐԸ
ՄԻԱՑԵՔ ՄԵԶ
ՀՂՈՒՄՆԵՐ
Ք Գորիս, Անկախության 3

(0284)22552

goris.syuniq@mta.gov.am

Պաշտոնական էլ. փոստ` @e-citizen.am
(միայն www.e-citizen.am համակարգով ծանուցումների համար)



© 2008 - 2019 Հեղինակային իրավունքները պաշտպանված են
ԳՈՐԻՍԻ ՀԱՄԱՅՆՔԱՊԵՏԱՐԱՆ
Մշակող   ՏՀԶՎԿ ՀԿ
Համայնքային կառավարման տեղեկատվական համակարգ v2.01
ԲԿԳ Մրցանակ 2015 - OGP Award 2015
2015 Regional Winner