|
25.10.25
Գորիս համայնքում համատարած մաքրման աշխատանքներ՝ համայնքային շաբաթօրյակի շրջանակներում
|
Այսօր Գորիս համայնքում հայտարարված համայնքային շաբաթօրյակի շրջանակներում իրականացվել են լայնածավալ մաքրման աշխատանքներ՝ ընդգրկելով համայնքի ողջ տարածքը։ Նախաձեռնությանը մասնակցել են համայնքային ենթակայության բոլոր հաստատությունները, բնակավայրերի վարչական աշխատակազմերը և բազմաթիվ ակտիվ քաղաքացիներ՝ միավորվելով մեկ ընդհանուր նպատակի շուրջ՝ ունենալ մաքուր և բարեկարգ համայնք։ Շաբաթօրյակի ընթացքում մաքրվել են ինչպես հաստատությունների հարակից տարածքները, այնպես էլ հանրային վայրերը՝ փողոցները, զբոսայգիները, պուրակները ։ Հատուկ ուշադրություն է դարձվել աղբահանությանը, չորացած տերևների և կենցաղային թափոնների հավաքմանը։ |
|
|
24.10.25
Բարեկարգման և սանմաքրման լայնածավալ աշխատանքներ
|
Գորիսի Սյունիքի փողոցում մեկնարկել են բարեկարգման և սանմաքրման լայնածավալ աշխատանքներ, որոնք իրականացնում է «Ոսմար» ընկերությունը։ Աշխատանքները նպատակ ունեն ապահովել քաղաքի կենտրոնական փողոցներից մեկի կատարյալ մաքրությունը: «Ոսմար» ընկերության աշխատակիցները փողոցի ողջ երկայնքով մանրակրկիտ մաքրում են ինչպես ճանապարհի երթևեկելի հատվածը, այնպես էլ մայթերը, հեռացնելով կուտակված աղբը, տերևները: Գորիսի համայնքապետարանը կարևորում և խրախուսում է մասնավոր հատվածի ներգրավվածությունը համայնքի բարեկարգման գործում։ Մեր քաղաքի մաքրությունն ու գեղեցկությունը մեր բոլորիս ընդհանուր նպատակն է։ Նմանատիպ համագործակցությունները ցույց են տալիս, որ միասնական ուժերով կարող ենք հասնել էական արդյունքների։
|
|
|
22.10.25
Գորիս համայնքի Շուռնուխ, Որոտան և Բարձրավան բնակավայրերի երեխաների ճանաչողական այցը Երևանում
|
Այս օրերին Գորիս համայնքի Շուռնուխ, Որոտան և Բարձրավան բնակավայրերի երեխաները ճանաչողական ու հագեցած այցով գտնվում են Երևանում։ Այցի նպատակն է երեխաներին հնարավորություն ընձեռել ծանոթանալու Հայաստանի պատմամշակութային ժառանգությանը, տեսարժան վայրերին։ Այցի շրջանակներում երեխաներն արդեն իսկ այցելել են Հայաստանի ամենահայտնի պատմամշակութային վայրերից մի քանիսը՝ Գառնի, Գեղարդ։ Այս նախաձեռնությունն իրականացրել է «Բարի Մամա» ՀԿ-ն՝ Գորիսի համայնքապետարանի հետ համագործակցությամբ։ Նմանատիպ ծրագրերը կարևոր են հատկապես սահմանամերձ բնակավայրերում ապրող երեխաների համար, քանի որ դրանք հնարավորություն են տալիս զգալու իրենց հայրենիքի մասնիկը։ |
|
|
22.10.25
Գորիս համայնքի մշակութային կյանքը
|
|
Գորիս համայնքի մշակութային կյանքը շարունակում է զարգանալ և հարստանալ՝ շնորհիվ մշակութային ոլորտի մասնագետների շարունակական զարգացման։Այսօրինակ կարևորագույն նախաձեռնության շրջանակներում մեկնարկել են վերապատրաստման դասընթացներ՝ ուղղված Գորիս համայնքի մշակութային ոլորտի մասնագետների գիտելիքների և հմտությունների խորացմանը։ Դասընթացների հիմնական շեշտը դրված է ազգային տոների, ծեսերի, ավանդույթների և սովորույթների ուսումնասիրության և դրանց ճիշտ կիրառման վրա։Սա ևս մեկ հնարավորություն է մշակույթի գործիչների համար՝ վերանայելու և թարմացնելու իրենց մոտեցումները մշակութային միջոցառումների կազմակերպման հարցում։ Դասընթացները նպատակ ունեն ապահովելու, որ ազգային ժառանգությունը ոչ միայն պահպանվի, այլև ճիշտ ձևով ...
Մանրամասն |
|
|
22.10.25
ՅՈՒՆԵՍԿՕ-ի ոչ նյութական մշակութային ժառանգության պահպանման միջազգային օրը
|
|
Գորիսում տոնվեց ՅՈՒՆԵՍԿՕ-ի ոչ նյութական մշակութային ժառանգության պահպանման միջազգային օրը՝ հարուստ ու բովանդակալից միջոցառումներով, որոնք նվիրված էին մեր ազգային արժեքների պահպանմանն ու տարածմանը։Միջոցառման կարևորագույն մասերից էր մասուրի ապուրի պատրաստման ավանդական ցուցադրությունը։ Մասնակիցները հնարավորություն ունեցան տեսնելու, թե ինչպես էին մեր նախնիները, տան ջերմությամբ ու սիրով, պատրաստում այս օգտակար ու բուրավետ ուտեստը՝ փոխանցելով դարերից եկող բաղադրատոմսի գաղտնիքները: Միջոցառման մեկ այլ կարևոր հատված էր զրույցը՝ նվիրված տոհմի պաշտամունքին և տոհմածառի կազմման ավանդույթին Գորիսում։ Ներկայացվեցին Գորիսի բազմաթիվ նշանավոր տոհմերի տոհմածառերը, ինչը հնարավորություն տվեց ներկաներին ծանոթանալու ...
Մանրամասն |
|
|
18.10.25
«Ավագ սերնդի կենտրոն Գորիսում»
|
|
Գորիսում տեղի ունեցավ «Ավագ սերնդի կենտրոնի» հանդիսավոր բացումը, որը նոր շունչ և հույս կներշնչի հատկապես միայնակ տարեցներին։ Կենտրոնի բացման արարողությանը մասնակցել են Գորիս համայնքի ղեկավար Առուշ Առուշանյանը, ինչպես նաև Հայաստանում Եվրոպական Միության դեսպանը, ԵՄ անդամ երկրների դեսպաններ, մարզպետարանի ներկայացուցիչներ և միջազգային կազմակերպությունների ներկայացուցիչներ՝ ընդգծելով նախաձեռնության կարևորությունը։«Ավագ սերնդի կենտրոնը» ստեղծվել է Winnet Goris Development Foundation-ի կողմից՝ մի շարք կազմակերպությունների զգալի աջակցությամբ։Ամարյան բարեգործական հիմնադրամը նվիրաբերել է 18 միլիոն ՀՀ դրամ՝ հոգալով կենտրոնի շենքի գնման մասնակի ծախսերը։European Union in Armenia-ի ...
Մանրամասն |
|
|
16.10.25
Հարթաշեն բնակավայրի բարեկարգման աշխատանքներ
|
Գորիս համայնքի ղեկավար Առուշ Առուշանյանի հանձնարարականով՝ Հարթաշեն բնակավայրում մեկնարկել են լայնածավալ բարեկարգման աշխատանքներ։ Աշխատանքները ներառում են գյուղի բոլոր փողոցների խճապատումը, ինչը կարևորագույն քայլ է ճանապարհային երթևեկության անվտանգությունն ապահովելու և փոշուց ու ցեխից ազատվելու համար։ Գորիս համայնքի բոլոր բնակավայրերի խնդիրները գտնվում են ուշադրության կենտրոնում։ Համայնքապետարանն իրականացնում է համակարգված մոտեցում՝ նպատակ ունենալով լուծել ենթակառուցվածքային, սոցիալական հարցերը բոլոր գյուղերում։ |
|
| 1 2 3 4 5 6 7 8 9 10 ... |