Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 42-րդ կետով,  «Նորմատիվ իրավական ակտերի  մասին» Հայաստանի Հանրապետության օրենքի 33-րդ հոդվածի 1-ին մասով և հաշվի առնելով Գորիս համայնքի ղեկավարի առաջարկությունը, 

1. Հայաստանի Հանրապետության Սյունիքի մարզի Գորիս համայնքի ավագանու 2022 թվականի հունիսի 7-ի «Հողամասի նպատակային նշանակության փոփոխության նպատակով Գորիս համայնքի Խնձորեսկ բնակավայրում համակցված տարածական պլանավորման փաստաթղթերում նախատեսվող փոփոխությունը քննարկելու մասին» թիվ 89-Ա որոշման մեջ կատարել փոփոխություններ.

1) որոշման վերնագրում «նախատեսվող փոփոխությունը քննարկելու» բառերը փոխարինել «փոփոխություն կատարելու» բառերով։

2) որոշման հիմնական մասում «Հայաստանի Հանրապետության կառավարության 2011 թվականի դեկտեմբերի 29-ի N 1920–Ն որոշմամբ» բառերը և թվերը փոխարինել «Հայաստանի Հանրապետության Հողային օրենսգրքի 7-րդ հոդվածի 15-րդ կետով» բառերով և թվերով:

3) որոշման 1-ին կետի «Հավանություն տալ Հավանություն տալ» բառերը հանել:

2. Համայնքի ղեկավարին՝ ապահովել սույն որոշումից բխող գործառույթների իրականացումը։