Ղեկավարվելով Տեղական ինքնակառավարման մասին Հայաստանի Հանրապետության օրենքի 18-րդ հոդվածի 1-ին մասի 42-րդ կետով, 64-րդ հոդվածի 2-րդ մասով, Նորմատիվ իրավական ակտերի մասին Հայաստանի Հանրապետության օրենքի 33-րդ և 34-րդ հոդվածներով, Հայաստանի Հանրապետության Քաղաքացիական օրենսգրքի 685-րդ հոդվածով, հաշվի առնելով «Գորիսի ֆրանսախոսների մշակութային կենտրոն ՀԿ-ի դիմումը և համայնքի ղեկավարի առաջարկությունը,

1. ՀՀ Սյունիքի մարզի Գորիս համայնքի  Գորիս քաղաքի Մաշտոցի փողոցի թիվ 5 հասցեում գտնվող մշակույթի կենտրոնի շենքի (վկ.՝ 09-003-2-1) 1-ին հարկից 109,6 քմ տարածքի անհատույց օգտագործման նպատակով «Գորիսի ֆրանսախոսների մշակութային կենտրոն» ՀԿ-ի հետ 2020 թվականի դեկտեմբերի  25-ին կնքված անշարժ գույքի անհատույց օգտագործման պայմանագրի գործողության ժամկետը երկարաձգել 4(չորս) տարի ժամկետով:

2. «Գորիսի ֆրանսախոսների մշակութային կենտրոն» ՀԿ-ի հետ կնքել համաձայնագիր՝ 2020 թվականի դեկտեմբերի  25-ին կնքված և նոտարական կարգով վավերացված անշարժ գույքի անհատույց օգտագործման պայմանագրում փոփոխություններ և (կամ) լրացումներ կատարելու վերաբերյալ։

3. Սահմանել, որ անշարժ գույքի անհատույց օգտագործման պայմանագրում փոփոխություններ և (կամ) լրացումներ կատարելու վերաբերյալ համաձայնագրի կնքման և դրանից ծագող իրավունքների պետական գրանցման հետ կապված բոլոր ծախսերն իրականացվելու են փոխառու՝ «Գորիսի ֆրանսախոսների մշակութային կենտրոն» ՀԿ-ի միջոցների հաշվին:

4. Համայնքի ղեկավարին՝ Հայաստանի Հանրապետության օրենսդրությամբ սահմանված կարգով և ժամկետներում ապահովել սույն որոշման կատարումը։