Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 21-րդ կետով, 64-րդ հոդվածի 2-րդ մասով և Հայաստանի Հանրապետության Քաղաքացիական օրենսգրքի 685-րդ հոդվածով, 688-րդ հոդվածի 1-ին մասով, 689-րդ հոդվածով, հիմք ընդունելով «Սոս արևելքի քրիստոնյաներ» ոչ առևտրային կազմակերպության Հայաստանյան մասնաճյուղի Սյունիքի մասնաճյուղի կառավարիչ Արամ Գայայանի դիմումը․

1. Հայաստանի Հանրապետության Սյունիքի մարզի Գորիս համայնքի Վերիշեն գյուղի մշակույթի տան 2-րդ հարկից՝ 1 սենյակ 31.4քմ ընդհանուր տարածք անհատույց օգտագործման իրավունքով, 5 տարի ժամկետով տրամադրել «Սոս արևելքի քրիստոնյաներ» ոչ առևտրային կազմակերպության Հայաստանյան մասնաճյուղին՝ երիտասարդներին ուղղված անվճար քանդակագործության դասընթացներ կազմակերպելու նպատակով:

2. Համայնքի ղեկավարին՝ ապահովել սույն որոշումից բխող գործառույթների իրականացումը: