Ղեկավարվելով «Իրավական ակտերի մասին» ՀՀ օրենքի 20-րդ հոդվածով, «Տեղական ինքնակառավարման մասին» ՀՀ օրենքի 16-րդ հոդվածի 1-ին մասի 14-րդ կետով, հիմք ընդունելով ՀՀ Սյունիքի մարզի Գորիս համայնքի ավագանու 2016 թվականի հոկտեմբերի 17-ի թիվ 10-Ն որոշումը և համայնքի ղեկավարի առաջարկությունը, որոշման նախագծի քվեարկության արդյունքներով, կողմ՝ 12, դեմ՝ 0, ձեռնպահ՝ 0

1. Լուծարել «Վերիշենի գրադարան» համայնքային ոչ առեվտրային կազմակերպությունը:

2. Ստեղծել լուծարման հանձնաժողով:

3. Հաստատել լուծարման հետևյալ կարգը և պայմանները`

3.1. Լուծարումն իրականացնել Հայաստանի Հանրապետության քաղաքացիական օրենսգրքով, սահմանված կարգով,

3.2. պարտատերերի պահանջ ներկայացնելու ժամկետ սահմանել երկու ամիս,

3.3. պարտատերերը պահանջ կարող են ներկայացնել գրավոր ձևակերպված «Վերիշենի գրադարան» համայնքային ոչ առեվտրային կազմակերպության իրավաբանական հասցե առաքված գրությամբ:

4. Լուծարման հանձնաժողովին՝ Հայաստանի Հանրապետության օրենսդրությամբ սահմանված կարգով և ժամկետում ավարտել «Վերիշենի գրադարան» համայնքային ոչ առեվտրային կազմակերպության լուծարման գործընթացը և 20-օրյա ժամկետում լուծարումից հետո մնացած գույքը հանձնել ՀՀ Սյունիքի մարզի Գորիսի համայնքի «Գ.Աշոտի անվան մշակույթի կենտրոն» համայնքային ոչ առևտրային կազմակերպությանը: