Ղեկավարվելով «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի 1-ին մասի 24-րդ կետով, Հայաստանի Հանրապետության Հողային օրենսգրքի 50-րդ հոդվածով, «Նորմատիվ իրավական ակտերի մասին» Հայաստանի Հանրապետության օրենքի 37-րդ հոդվածի 1-ին մասով, համաձայն Հայաստանի Հանրապետության կառավարության 2006 թվականի հունիսի 1-ի «Հայաստանի հանրապետության Սյունիքի մարզի Գորիսի քաղաքային համայնքի վարչական սահմանների նկարագիրը հաստատելու և Գորիսի քաղաքային համայնքի վարչական սահմաններում գտնվող՝ պետական սեփականություն հանդիսացող հողամասերն անհատույց սեփականոթյան իրավունքով համայնքին փոխանցելու մասին» թիվ 1053-Ն որոշման,   հիմք ընդունելով  Հայաստանի Հանրապետության Սյունիք մարզի Գորիս համայնքի ավագանու 2022 թվականի փետրվարի 9-ի թիվ 24-Ա և 2022 թվականի հունիսի 29-ի թիվ 107-Ա որոշումները, հաշվի առնելով «Գոռ և Գոհար» ՍՊԸ-ի 2021 թվականի նոյեմբերի 2-ի դիմումը 

1. ՀՀ Սյունիքի մարզի Գորիս համայնքի սեփականություն հանդիսացող Գորիս համայնքի Ակներ գյուղում գտնվող գյուղատնտեսական նշանակության այլ  հողերից՝  0.0006հա մակերեսով հողատարածքը (վկայական N30032022-09-0051) սահմանափակ օգտվելու իրավունքով (սերվիտուտ) 5 (հինգ) տարի ժամկետով տրամադրել «Գոռ և Գոհար» ՍՊԸ-ին՝ տարեկան վարձավճար սահմանելով 10000 (տասը հազար) ՀՀ դրամ: 
2. «Գոռ և Գոհար» ՍՊԸ-ի հետ կնքել սերվիտուտի պայմանագիր, և սահմանել, որ պայմանագրի գործողության ժամկետը լրանալուց հետո դադարում են կողմերի իրավունքներն ու պարտականությունները:
3. Ուժը կորցրած ճանչել Գորիս համայնքի ղեկավարի 2022 թվականի փետրվարի 9-ի «Հայաստանի Հանրապետության Սյունիքի մարզի Գորիս քաղաքի վարչական սահմանում գտնվող հողերից «Գոռ և Գոհար» ՍՊԸ-ին 0.00060հա հողամասը սահմանափակ օգտվելու իրավունքով /սերվիտուտ/ տրամադրելու մասին» թիվ 142-Ա որոշումը:
4. Համայնքապետարանի աշխատակազմի քարտուղարին` ապահովել սույն որոշումից բխող անհրաժեշտ գործառույթների իրականացումը: