Ղեկավարվելով «Իրավական ակտերի մասին» ՀՀ օրենքի 20-րդ հոդվածով, «Տեղական ինքնակառավարման մասին» ՀՀ օրենքի 12-րդ, 13-րդ հոդվածներով, հիմք ընդունելով Հայաստանի Հանրապետության թիվ 37 ընտրատարածքային ընտրական հանձնաժողովի 2016 թվականի սեպտեմբերի 23-ի «Սյունիք մարզի Գորիս համայնքի ավագանու անդամներ ընտրվելու մասին» N 150-Ա որոշումը և համայնքի ղեկավարի առաջարկությունը, որոշման նախագծի քվեարկության արդյունքներով կողմ՝ 14, դեմ՝ 0, ձեռնպահ՝ 0

Հաստատել Հայաստանի Հանրապետության Սյունիքի մարզի Գորիս համայնքի ավագանու 2016 թվականի սեպտեմբերի 28-ի նորընտիր ավագանու առաջին նիստի հետևյալ օրակարգը.

1. Հայաստանի Հանրապետության Սյունիքի մարզի Գորիս համայնքի ավագանու կանոնակարգը հաստատելու մասին

2. «Հայաստանի Հանրապետության Սյունիքի մարզի Գորիսի համայնքապետարանի աշխատակազմ» համայնքային կառավարչական հիմնարկ հիմնադրելու և Հայաստանի Հանրապետության Սյունիքի մարզի Գորիսի, Ակների, Բարձրավանի, Խնձորեսկի, Հարթաշենի, Ներքին Խնձորեսկի, Շուռնուխի, Որոտանի, Վերիշենի ու Քարահունջի համայնքապետարանների աշխատակազմերի գործունեությունը դադարեցնելու մասին

3. Հայաստանի Հանրապետության Սյունիքի մարզի Գորիս համայնքի կազմում ընդգրկված բնակավայրի վարչական ներկայացուցչի թեկնածությունը ներկայացնելու և համաձայնեցնելու կարգը հաստատելու մասին

4. Հայաստանի Հանրապետության Սյունիքի մարզի Գորիս համայնքի կազմում ընդգրկված բնակավայրերի վարչական ներկայացուցիչների նստավայրեր սահմանելու մասին

5. Համայնքի ղեկավարին կից խորհրդակցական մարմինների ձևավորման և գործունեության կարգը հաստատելու մասին

6. Համայնքում տեղական ինքնակառավարմանը բնակիչների մասնակցության կարգը հաստատելու մասին

7.Համայնքում հանրային բաց լսումների և (կամ) քննարկումների կազմակերպման և մասնակցման կարգը հաստատելու մասին: