Ղեկավարվելով «Տեղական ինքնակառավարման մասին» օրենքի 18-րդ հոդվածի 1-ին մասի 29-րդ կետով, 57-րդ հոդվածի 2-րդ մասով, Հայաստանի Հանրապետության Հողային օրենսգրքի 50-րդ հոդվածներով,  համաձայն ՀՀ կառավարության 2006 թվականի հունիսի 1-ի «Հայաստանի հանրապետության Սյունիքի մարզի Գորիսի քաղաքային համայնքի վարչական սահմանների նկարագիրը հաստատելու և Գորիսի քաղաքային համայնքի վարչական սահմաններում գտնվող՝ պետական սեփականություն հանդիսացող հողամասերն անհատույց սեփականոթյան իրավունքով համայնքին փոխանցելու մասին» թիվ 1053-Ն որոշման,  հաշվի առնելով ՀՀ բնապահպանության և ընդերքի տեսչական մարմնի ղեկավարի 2021 թվականի դեկտեմբերի 7-ի թիվ 01/005/5798-2021 գրությունը 

1. Գորիս համայնքի սեփականություն հանդիսացող Գորիս քաղաքի վարչական սահմաններում գտնվող՝ H45 ճանապարհի  հարևանությամբ գյուղատնտեսական նշանակության հողերից  0.00180հա (արոտավայր), (կադաստրային ծածկագիր` 09-003-0327-0027-ից) սահմանափակ օգտվելու իրավունքով /սերվիտուտ/ 5/հինգ/ տարի ժամկետով, անվճար տրամադրել Հայաստանի Հանարապետության բնապահպանության և ընդերքի տեսչական մարմնին՝ ՀՀ բնապահպանության և ընդերքի տեսչական մարմինը Բնության համաշխարհային հիմնադրամի հայաստանյան մասնաճյուղի (այսուհետև՝ WWF-Հայաստան) հետ համատեղ «Հայաստանում էկոլոգիական միջանցքների ստեղծում» ծրագրի (այսուհետև՝ Ծրագիր) շրջանակներում «Բնությունը մենք ենք» սոցիալական գովազդային վահանակ տեղադրելու՝ վայրի կենդանիների պաշտպանությունը առավել արդյունավետ դարձնելու համար

2. Համայնքի ղեկավարի առաջին տեղակալին՝ ապահովել սույն որոշումից բխող գործառույթների իրականացումը: