Ս/թ. նոյեմբերի 25-ին Գորիսի քաղաքապետարանում համայնքի ղեկավար Ն. Ոսկանյանի գլխավորությամբ տեղի ունեցավ աշխատանքային խորհրդակցություն: Խորհրդակցության ընթացքում քննարկվեց համայնքի խնդիրներին վերաբերվող, հրատապ լուծում պահանջող մի շարք հարցեր:Մասնավորապես, քաղաքապետը ուշադրություն դարձրեց 2012-2022թթ. համայնքի ռազմավարության ծրագրին և հանձնարարեց. 1. Մինչև ս/թ նոյեմբերի 29-ը ներկայացնել առաջարկություններ յուրաքանչյուրի կողմից համակարգվող ոլորտի խնդիրների վերաբերյալ:Միաժամանակ համայնքի ռազմավարությունը քննարկել կազմակերպություններում և համայնքային խորհրդում: 2. Քննարկվեց 2012թ-ի համայնքի բյուջեի վերաբերյալ ներկայացված առաջարկությունները և հանձնարարվեց քաղաքապետարանի ֆինանսատնտեսական և եկամուտների հավաքագրման բաժնի պետ Հ. Հովհաննիսյանին մինչև ս/թ դեկտեմբերի 5-ը ներկայացնել բյուջեի նախագիծը` հաշվի առնելով ներկայացված առաջարկություններն ու դիտողությունները: Միաժամանակ հանձնարարվեց բյուջեի նախագիծը ներկայացնել մշտական հանձնաժողովի քննարկմանը: 3. Քննարկվեց նաև նոր տարվա միջոցառումների անցկացման հարցը և հանձնարարվեց Հարություն Հովհաննիսյանին 10օրյա ժամկետում ներկայացնելու միջոցառումների անցկացման ծրագիր և դրա հետ կապված ֆինանսական ծախսերը: 4. Ամանորի տոնածառի ձեռքբերման, տեղեդրման աշխատանքները իրականացնելու համար հանձնարարվեց Տ. Բարխուդարյանին և Խ. Միրզոյանին ներկայացնել առաջարկ: 5. Հանձնարարություն եղավ նաև քաղաքապետի տեղակալ` Տ Բարխուդարյանին և ֆինանսատնտեսական և եկամուտների հավաքագրման բաժնի պետ Հ. Հովհաննիսյանին` մեկ շաբաթվա ժամկետում առաջարկ ներկայացնել 2012թ-ին ներքին ցանցի սպասարկման և համակարգման վերաբերյալ: |