Հայաստանի Հանրապետության Սյունիքի մարզի Գորիս համայնքի ղեկավար Առուշ Առուշանյանս քննության առնելով Էդուարդ Ռուբիկի Բալասանյանի նկատմամբ հարուցված վարչական վարույթի նյութերը,
Պ Ա Ր Զ Ե Ց Ի
1 Նկարագրական մաս.
Էդուարդ Ռուբիկի Բալասանյանը հանդիսանալով գույքահարկ վճարող սուբյեկտ, օրենքով սահմանված կարգով չի կատարել գույքահարկ վճարելու պարտականությունը, ինչի հետևանքով 2025 թվականի մարտի 6-ին «Վարչարարության հիմունքների և վարչական վարույթի մասին» Հայաստանի Հանրապետության օրենքով սահմանված կարգով վարչական մարմնի նախաձեռնությամբ հարուցվել է գույքահարկի գծով չվճարված հարկային պարտավորության գանձման վարչական վարույթ:
2 Պատճառաբանական մաս.
«Վարչարարության հիմունքների և վարչական վարույթի մասին» ՀՀ օրենքով սահմանված կարգով հարուցված և իրականացված վարչական վարույթի ընթացքում ապահովելով գործի փաստական հանգամանքների բազմակողմանի, լրիվ և օբյեկտիվ քննարկումը բացահայտելով գործի բոլոր հանգամանքները, վարչական մարմինը հաստատված է համարում վարչական ակտն ընդունելու համար էական նշանակություն ունեցող հետևյալ փաստերը:
• Գորիսի համայնքապետարանի ֆինանսատնտեսական և եկամուտների հավաքագրման, բաժնի 04.09.2025թ. տեղեկանքների համաձայն Էդուարդ Ռուբիկի Բալասանյանին սեփականության իրավունքով պատկանող BMW X 5 4.4 մակնիշի, 35ZO045 պ/հ փոխադրամիջոցի (10-ից քիչ նստատեղ ունեցող մարդատար ա/մ, 320 ձ.ուժ 2005թ.) գույքահարկի գծով 2019-2023 թվականների համար հաշվարկված և չվճարված հարկային պարտավորությունները կազմում են 879391 ՀՀ դրամ, որից ապառք՝ 673750 ՀՀ դրամ, տույժ` 205641 ՀՀ դրամ: ՀՀ Սահմանադրության (2015 թվականի փոփոխություններով) 60-րդ հոդվածի 8-րդ մասի համաձայն՝ յուրաքանչյուր ոք պարտավոր է մուծել օրենքին համապատասխան սահմանված հարկեր, տուրքեր, կատարել պետական կամ համայնքային բյուջե մուտքագրվող պարտադիր այլ վճարումներ։
Հայաստանի Հանրապետության Հարկային օրենսգրքի (այսուհետ՝ նաև Օրենսգիրք) 239-րդ հոդվածի համաձայն փոխադրամիջոցների գույքահարկը հարկ վճարողներին սեփականության իրավունքով պատկանող հարկման օբյեկտ համարվող փոխադրամիջոցների համար Հայաստանի Հանրապետության համայնքների բյուջեներ վճարվող տեղական հարկ է, որը կախված չէ հարկ վճարողների տնտեսական գործունեության արդյունքներից:
Նույն օրենսգրքի 240-րդ հոդվածի 1-ին մասի համաձայն՝ փոխադրամիջոցների գույքահարկ վճարողներ են համարվում կազմակերպություններն ու ֆիզիկական անձինք, բացառությամբ պետական մարմինների, համայնքային կառավարչական հիմնարկների և Հայաստանի Հանրապետության կենտրոնական բանկի Օրենսգրքի 242-րդ հոդվածի 1-ին մասը սահմանում է «1.Փոխադրամիջոցների գույքահարկով հարկման օբյեկտ են համարվում հետևյալ փոխադրամիջոցները 1) ավտոմոբիլային տրանսպորտի միջոցը . (…)»
Նույն օրենսգրքի 246-րդ հոդվածը սահմանում է «1 Փոխադրամիջոցների գույքահարկի պարտավորությունն առաջանում է փոխադրամիջոցների գույքահարկով հարկման օբյեկտի կամ դրա մի մասի նկատմամբ սեփականության իրավունքի ծագման ամսվան հաջորդող ամսվա 1-ից: ( ) 2 Փոխադրամիջոցների գույքահարկի հաշվարկումը դադարում է փոխադրամիջոցների գույքահարկով հարկման օբյեկտի կամ դրա մի մասի նկատմամբ սեփականության իրավունքը դադարելու ամսվան հաջորդող ամսվա 1-ից:»:
Նույն օրենսգրքի 247-րդ հոդվածի համաձայն փոխադրամիջոցների գույքահարկի հաշվարկման և վճարման համար հաշվետու ժամանակաշրջան է համարվում յուրաքանչյուր հաշվետու տարին:
Նույն օրենսգրքի 251-րդ հոդվածի 1-ին մասի համաձայն ֆիզիկական անձինք փոխադրամիջոցների գույքահարկի տարեկան գումարները իրենց պետական գրանցման (հաշվառման) վայրի համայնքի բյուջե են վճարում մինչև հարկային տարվա դեկտեմբերի 1-ը ներառյալ՝ հաշվի առնելով սույն հոդվածով սահմանված առանձնահատկությունները։ Հաշվառման (գրանցման) վայրի բացակայության դեպքում ֆիզիկական անձինք փոխադրամիջոցների գույքահարկի՝ սույն մասում նշված գումարները վճարում են իրենց հիմնական բնակության վայրի համայնքի բյուջե. Եթե ֆիզիկական անձի հիմնական բնակության վայրը Հայաստանի Հանրապետության տարածքից դուրս է, ապա փոխադրամիջոցների գույքահարկի՝ սույն հոդվածում նշված գումարները վճարվում է փոխադրամիջոցի հիմնական գտնվելու վայրի համայնքի բյուջե:
Նույն օրենսգրքի 401-րդ հոդվածի 1-ին մասի համաձայն՝ հարկի վճարումը սահմանված ժամկետներից ուշացնելու դեպքում ժամկետանց յուրաքանչյուր օրվա համար հարկ վճարողը կամ հարկային գործակալը վճարում է տույժ:
Այսպիսով, Էդուարդ Ռուբիկի Բալասանյանը հանդիսանալով գույքահարկ վճարող սուբյեկտ, օրենքով սահմանված կարգով չի վճարել սեփականության իրավունքով իրեն պատկանող BMW X 5 4.4 մակնիշի 35ZO045 փոխադրամիջոցի գույքահարկը, ինչի հետևանքով 2019-2023 թվականների համար գույքահարկի գծով չմարված հարկային ամբողջ պարտավորությունը 04.09․2025թ. դրությամբ կազմում է 879391 ՀՀ դրամ, որից ապառք՝ 673750 ՀՀ դրամ, տույժ` 205641 ՀՀ դրամ:
3. Եզրափակիչ մաս Հաշվի առնելով վերը շարադրված հիմնավորումները և ղեկավարվելով «Տեղական ինքնակառավարման մասին» ՀՀ օրենքի 35-րդ հոդվածի 1-ին մասի 24-րդ, 38-րդ հոդվածի 1-ին մասի 3-րդ, 4-րդ կետերով, 57-րդ հոդվածի 2-րդ մասով, ՀՀ Հարկային օրենսգրքի 12-րդ բաժնով. 401-րդ հոդվածով և «Վարչարարության հիմունքների և վարչական վարույթի մասին» ՀՀ օրենքի 53-61-րդ հոդվածներով
Ո Ր Ո Շ Ե Ց Ի
1.Էդուարդ Ռուբիկի Բալասանյանից հօգուտ Գորիս համայնքի բյուջեի գանձել 879391 ՀՀ դրամ. որպես BMW X 5 4.4 մակնիշի 35ZO045 պ/հ փոխադրամիջոցի համար վճարման ենթակա գույքահարկի գումար, որից ապառք` 673750 ՀՀ դրամ և պարտավորությունը չկատարելու արդյունքում հաշվարկված տույժ 205641 ՀՀ դրամ:
2. Սույն որոշումն ուժի մեջ է մտնում վարչական ակտի հասցեատիրոջն «Վարչարարության հիմունքների և վարչական վարույթի մասին» ՀՀ օրենքի 59-րդ հոդվածով սահմանված կարգով իրազեկելուն հաջորդող օրվանից:
3.Դրամական պահանջները չկատարելու դեպքում սույն որոշումը կներկայացվի հարկադիր կատարման «Վարչարարության հիմունքների և վարչական վարույթի մասին» ՀՀ օրենքին համապատասխան՝ վարչական ակտն անբողոքարկելի դառնալուց հետո եռամսյա ժամկետում։
4. Սույն որոշումը կարող է բողոքարկվել վարչական կարգով Գորիս համայնքի ղեկավարին դրա ուժի մեջ մտնելու օրվանից երկու ամսվա ընթացքում կամ դատական կարգով ՀՀ վարչական դատարան երկամսյա ժամկետում: