Ղեկավարվելով «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի 1-ին մասի 24-րդ կետով, Հայաստանի Հանրապետության Հողային օրենսգրքի 63-րդ հոդվածի 2-րդ կետով, Հայաստանի Հանրապետության 2019 թվականի դեկտեմբերի 3-ի «Անշարժ գույքի հարկով հարկման նպատակով անշարժ գույքի շուկայական արժեքին մոտարկված կադաստրային գնահատման կարգը սահմանելու մասին» թիվ 225-Ն օրենքով, Հայաստանի Հանրապետության կառավարության 2006 թվականի մայիսի 18-ի թիվ 912-Ն որոշմամբ հաստատված կարգի  35-րդ կետի ա) և գ) ենթակետով,  հիմք ընդունելով Գորիս  համայնքի ավագանու 2016 թվականի ապրիլի 15-ի թիվ 15-Ա որոշման դրույթները, և քննության առնելով Հենրիկ Ասրյանի կողմից լիազորված անձ Արամ Միրումյանի 2023 թվականի մարտի 3-ի դիմումը

1. ՀՀ Սյունիքի մարզի Գորիս համայնքի Գորիս քաղաքի Նոր Կյանք փողոցի թիվ 23/3 հասցեում գտնվող համայնքային սեփականություն հանդիսացող բնակավայրերի նշանակության բնակելի կառուցապատման գոտում գտնվող, Հենրիկ Ասրյանի, Էլադա Օսիպյանի, Մարգարիտա Աղաջանյանի և Արշակ Ասրյանի կողմից ինքնակամ կառուցված, օրինականացված և համայնքային սեփականություն գրանցված 99,9քմ  ընդհանուր ներքին (116.0քմ արտաքին մակերեսով) մակերեսով շինությունները, որից՝ 84,5քմ ներքին (98,9քմ արտաքին) մակերեսով բնակելի տունը, 3,40քմ ներքին (4,93քմ արտաքին) մակերեսով անասնաշենքը և 12,0քմ ծածկը,  (կադ. ծածկագիր՝ 09-003-0260-0052, վկ.՝ 18092023-09-0029) (98,9x4266=422000) չորս հարյուր քսաներկու հազար ՀՀ դրամով, (16,93x2844=48200) քառասունութ հազար երկու հարյուր ՀՀ դրամով և 0,01855հա մակերեսով սպասարկման հողատարածքը (185,5x1878=348400) երեք հարյուր քառասունութ հազար չորս հարյուր ՀՀ դրամով՝ ուղղակի վաճառքի միջոցով օտարել Հենրիկ Ասրյանին, Էլադա Օսիպյանին, Մարգարիտա Աղաջանյանին և Արշակ Ասրյանին:
2. Համայնքապետարանի աշխատակազմի քարտուղարին՝ ապահովել սույն որոշումից բխող գործառույթների իրականացումը: