Ղեկավարվելով «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի 1-ին մասի 24-րդ կետով,  Հայաստանի Հանրապետության Հողային օրենսգրքի 63-րդ հոդվածի 2-րդ կետով, Հայաստանի Հանրապետության 2019 թվականի դեկտեմբերի 3-ի «Անշարժ գույքի հարկով հարկման նպատակով անշարժ գույքի շուկայական արժեքին մոտարկված կադաստրային գնահատման կարգը սահմանելու մասին» թիվ 225-Ն օրենքով, Հայաստանի Հանրապետության կառավարության 2006 թվականի մայիսի 18-ի թիվ 912-Ն որոշմամբ հաստատված կարգի 34.2 կետով, 35-րդ կետի դ) ենթակետով, հիմք ընդունելով Գորիս  համայնքի ավագանու 2016 թվականի ապրիլի 15-ի թիվ 15-Ա որոշման դրույթները, և քննության առնելով Արթուր Առաքելյանի 2023 թվականի ապրիլի 20-ի դիմումը

1. Գորիս քաղաքի Սյունիքի փողոցի թիվ 2/36 հասցեում գտնվող համայնքային սեփականություն հանդիսացող բնակավայրերի բնակելի կառուցապատման գոտում, Արթուր Առաքելյանի կողմից ինքնակամ կառուցված, օրինականացված և համայնքային սեփականություն գրանցված 36․7քմ արտաքին (32․9քմ ներքին) մակերեսով ավտոտնակը (կադ. ծածկագիր՝ 09-003-0113-0022, վկ.՝ N 11092023-09-0026) (36․7x1422=52200) հիսուներկու հազար երկու հարյուր ՀՀ դրամով և 0.00176հա մակերեսով սպասարկման հողատարածքը (17․6x1878=33100) երեսուներեք հազար հարյուր ՀՀ դրամով՝ ուղղակի վաճառքի միջոցով օտարել Արթուր Առաքելյանին:
2. Համայնքապետարանի աշխատակազմի քարտուղարին՝ ապահովել սույն որոշումից բխող գործառույթների իրականացումը: