Ղեկավարվելով «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի 1-ին մասի 24-րդ կետով, 44-րդ հոդվածի 1-ին մասի 3-րդ կետով, հիմք ընդունելով Հայաստանի Հանրապետության Կառավարության 2020 թվականի դեկտեմբերի 3-ի N 1994-Ն որոշմամբ հաստատված կարգի 66-րդ կետի 2-րդ ենթակետը, 69-րդ կետը և հաշվի առնելով Գորիս համայնքի վարչական սահմաններում /ներհամայնքային/ ընդհանուր օգտագործման ավտոմոբիլային տրանսպորտով կանոնավոր ուղևորափոխադրումներ իրականացնող կազմակերպություններ և անհատ ձեռնարկատերեր ընտրելու նպատակով ստեղծված մրցութային հանձնաժողովի 14․08․2025թ․ արձանագրությունը,

1. Հայաստանի Հանրապետության Սյունիքի մարզի Գորիս համայնքի թիվ 1, թիվ 2, թիվ 3, թիվ 4, թիվ 5 ավտոբուսային և միկրոավտոբուսային երթուղիները սպասարկելու իրավունքը ժամանակավոր հատկացնելու համար ընդհանուր օգտագործման ավտոմոբիլային տրանսպորտով կանոնավոր ուղևորափոխադրումներ իրականացնող կազմակերպություններ և անհատ ձեռնարկատերեր ընտրելու նպատակով 2025 թվականի օգոստոսի 27-ին անցկացնել մրցույթ:

2. Հաստատել մրցույթի հայտարարության տեքստը՝ համաձայն հավելվածի։

3. Մրցութային հանձնաժողովի նախագահին՝ օրենքով սահմանված կարգով և ժամկետներում իրականացնել մրցույթի անցկացման աշխատանքները: