Ղեկավարվելով «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի 1-ին մասի 24-րդ կետով, 43-րդ հոդվածով, 57-րդ հոդվածի 2-րդ մասով, հողային օրենսգրքի 46-րդ, 481, 60-րդ, 57-րդ, 76-րդ հոդվածներով, համաձայն Հայաստանի Հանրապետության կառավարության 2001 թվականի ապրիլի 12-ի «Պետական և համայնքային սեփականություն հանդիսացող հողամասերի օտարման, կառուցապատման իրավունքի և օգտագործման տրամադրման կարգը հաստատելու մասին» N286, 2001 թվականի սեպտեմբերի 24-ի N 896, Գորիս համայնքի ավագանու 2025 թվականի մարտի 14-ի թիվ 20-Ա որոշումների,

1. ՀՀ Սյունիքի մարզի Գորիս համայնքի սեփականություն հանդիսացող ընդհանուր օգտագործման հողերից կառուցապատման իրավունքով օգտագործման տրամադրել «Կարենց» ՍՊԸ-ին` բացառապես ոչ հիմնական շինություններ` վճարային տերմինալներ տեղադրելու նպատակով՝ համաձայն հավելվածի:

2. «Կարենց» ՍՊԸ-ի հետ կնքել հողամասերի կառուցապատման իրավունքի տրամադրման պայմանագիր` 1 /մեկ/ տարի ժամկետով:

3. Կնքվող պայմանագրում նախատեսել, որ տարեկան վճարը ենթակա է վճարման յուրաքանչյուր եռամսյակ՝ հավասար չափերով: