Զեկ. ԳԱՐԵԳԻՆ ՓԱՐՍՅԱՆ

Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 21-րդ կետով, Հայաստանի Հանրապետության հողային օրենսգրքի 60-րդ հոդվածով, 76-րդ հոդվածի 1-ին, 2-րդ և 5-րդ կետերով, հիմք ընդունելով Հայաստանի Հանրապետության կառավարության 2001թ. ապրիլի 12-ի թիվ 286 որոշմամբ հաստատված կարգի 46.2-րդ կետի ա) ենթակետը, հիմքը ընդունելով «ՄՏՍ Հայաստան» ՓԲԸ-ի կողմից լիազորված «Ռեդինետ» ՓԲԸ-ի 2021 թվականի մարտի 12-ի թիվ 1103 գրությունը և համայնքի ղեկավարի առաջարկությունը, որոշման նախագծի քվեարկության արդյունքներով, կողմ՝ 0, դեմ՝ 9, ձեռնպահ՝ 0

1. ՀՀ Սյունիքի մարզի Գորիս համայնքի սեփականություն հանդիսացող ընդհանուր թվով 120 հենասյուներն օպտիկական մալուխ անցկացնելու նպատակով տրամադրել «ՄՏՍ Հայաստան» ՓԲԸ-ին 10 /տասը/ տարի ժամկետով, հետևյալ տեղանքներում

• Քաղաք Գորիս - հեռուստաաշտարակից մինչև M12 մայրուղի (հուշարձան) ընկած հատված - 15 /տասնհինգ/ հատ - կառուցապատման իրավունքով, ընդհանուր 30,0քմ մակերեսով 1 քմ տարեկան վարձավճար սահմանելով 400 ՀՀ դրամ՝
• Քաղաք Գորիս - Ավանգարդ փողոց - 29 /քսանինը/ հատ, ք. Գորիս - Գ. Նժդեհի փողոց -11 /տասնմեկ/ հատ, ք. Գորիս - Մ. Մաշտոցի փողոց - 49 /քառասունինը/ հատ, գ. Վերիշեն - 21 /քսանմեկ/ հատ, գ. Ակներ - 10 /տասը/ հատ - ընդհանուր թվով 120 հատ, օգտագործման նպատակով` վարձավճար սահմանելով տարեկան 432000 /չորս հարյուր երեսուներկու հազար/ ՀՀ դրամ ( յուրաքանչյուր հենասյան համար 3600 ՀՀ դրամ)

2. Համայնքի ղեկավարին՝ ապահովել սույն որոշումից բխող գործառույթների իրականացումը: