Ղեկավարվելով «Տեղական ինքնակառավարման մասին» ՀՀ օրենքի 35-րդ հոդվածի 1-ին մասի 24-րդ կետով, «Վարչական իրավախախտումների վերաբերյալ» ՀՀ օրենսգրքի 8-րդ, 154-րդ և 2191 պրիմ հոդվածներով, ՀՀ սահմանադրության 73 հոդվածի 1-ին մասով, <<Նորմատիվ իրավական ակտերի մասին>> ՀՀ օրենքի 28 հոդվածի 1-ին մասով, հետազոտելով Գորիս քաղաքի Սյունիքի փողոցի 22/1 հասցեի բնակիչ` Գագիկ Աղաջանյանի (ծնված` 13.10.1949թ., AR0545085, տրված` 22.12.2017թ., 032-ի կողմից, հաշվառված է Գորիս քաղաքի Սյունիքի փողոցի 22/1 հասցեում) կողմից կատարված վարչական իրավախախտման վերաբերյալ Գորիսի համայնքապետարանի աշխատակազմի քաղաքաշինության և կոմունալ տնտեսության բաժնի աշխատակիցների կողմից 2023 թվականի մայիսի 23-ին կազմված արձանագրությունը և կից նյութերը, պարզեցի` ՀՀ Սյունիքի մարզի Գորիս քաղաքի Սյունիքի փողոցի 22/1 հասցեի բնակիչ` Գագիկ Աղաջանյանը ՀՀ Սյունիքի մարզի Գորիս քաղաքում գտնվող սեփականության իրավունքով իրեն պատկանող Սյունիքի փողոցի 22/1 հասցեում ինքնակամ կառուցել է շինություն, այսինքն կատարել է արարք, որն առաջացնում է պատասխանատվություն «Վարչական իրավախախտումների վերաբերյալ» ՀՀ օրենսգրքի 154-րդ հոդվածի 1-ին մասի 1-ին կետով: Նկատի ունենալով, որ Գագիկ Աղաջանյանի արարքը վարչական իրավախախտում է՝ նախատեսված «Վարչական իրավախախտումների վերաբերյալ» ՀՀ օրենսգրքի 154-րդ հոդվածի 1-ին մասի 1-ին կետով, ինչպես նաև ապահովելով փաստական հանգամանքների բազմակողմանի, լրիվ և օբյեկտիվ քննարկումը
1. Գագիկ Գեորգիի Աղաջանյանին ենթարկել վարչական պատասխանատվության, նրա նկատմամբ նշանակել վարչական տույժ, տուգանք՝ սահմանված նվազագույն աշխատավարձի հինգհարյուրապատիկի չափով, այն է՝ 500.000 (հինգ հարյուր հազար) ՀՀ դրամի չափով:
2. Գագիկ Աղաջանյանի կողմից տուգանքը պետք է վճարվի տուգանք նշանակելու մասին որոշումը նրան հանձնելու օրվանից ոչ ուշ, քան տասնհինգ օրվա ընթացքում՝ Գորիսի համայնքապետարանի 900285125150 հաշվեհամարին և վճարման անդորրագիրը ներկայացվի Գորիսի համայնքապետարանի աշխատակազմին:
3. Սույն որոշման պահանջները չկատարելու դեպքում օրենքով սահմանված կարգով այն ենթակա է հարկադիր կատարման՝ ՀՀ արդարադատության նախարարության հարկադիր կատարումն ապահովող ծառայության միջոցով:
4. Որոշման պատճենը 3 օրվա ընթացքում հանձնել Գագիկ Աղաջանյանին:
5. Սույն որոշումն ուժի մեջ է մտնում որոշումը սահմանված կարգով Գագիկ Աղաջանյանին հանձնելու օրվանից հետո:
6. Սույն որոշման դեմ գանգատ կարող է տրվել որոշումը սահմանված կարգով հանձնելու օրվանից հետո՝ երեսուն օրվա ընթացքում կամ ՀՀ վարչական դատարան՝ երկամսյա ժամկետում: