Ղեկավարվելով «Տեղական ինքնակառավարման մասին» ՀՀ օրենքի 35-րդ հոդվածի 1-ին մասի 24-րդ կետով, 57-րդ հոդվածի 2-րդ մասով, «Վարչական իրավախախտումների վերաբերյալ» ՀՀ օրենսգրքի 8-րդ, 154-րդ և 2191 հոդվածներով, ՀՀ սահմանադրության 73 հոդվածի 1-ին մասով, «Նորմատիվ իրավական ակտերի մասին» ՀՀ օրենքի 28 հոդվածի 1-ին մասով, հետազոտելով Գորիս քաղաքի Անկախության փողոցի 30 հասցեի բնակիչ՝ Գագիկ Կարապետի Զաքարյանի (ծնված` 29.08.1953թ., AU0484305, տրված` 04.11.2021թ., 032-ի կողմից, հաշվառված է Գորիս քաղաքի Անկախության փողոցի թիվ 30 հասցեում) կողմից կատարված վարչական իրավախախտման վերաբերյալ Գորիսի համայնքապետարանի աշխատակազմի քաղաքաշինության և կոմունալ տնտեսության բաժնի աշխատակիցների կողմից 2025 թվականի սեպտեմբերի 9-ին կազմված արձանագրությունը և կից նյութերը, պարզեցի` ՀՀ Սյունիքի մարզի Գորիս քաղաքի Անկախության փողոցի թիվ 30 հասցեի բնակիչ` Գագիկ Զաքարյանը ՀՀ Սյունիքի մարզի Գորիս քաղաքի Անկախության փողոցի 30 հասցեում՝ սեփականության իրավունքով իրեն պատկանող հողամասի վրա ինքնակամ կատարել է առևտրի սրահի կցակառուցում և գրասենյակի կառուցում, այսինքն կատարել է արարք, որն առաջացնում է պատասխանատվություն «Վարչական իրավախախտումների վերաբերյալ» ՀՀ օրենսգրքի 154-րդ հոդվածի 1-ին մասի 1-ին կետով:
Հաշվի առնելով, որ Գագիկ Զաքարյանը իրավախախտում կատարել է մինչև «Վարչական իրավախախտումների վերաբերյալ» ՀՀ օրենսգրքի 154-րդ հոդվածի ուժի մեջ մտնելը՝ 06․01․2022թ-ը, ապա նրա նկատմամբ պետք է կիրառել օրենսգրքի նախկին խմբագրությամբ գործող 154 հոդվածով նախատեսված պատասխանատվությունը։
Նկատի ունենալով, որ Գագիկ Զաքարյանի արարքը վարչական իրավախախտում է՝ նախատեսված «Վարչական իրավախախտումների վերաբերյալ» ՀՀ օրենսգրքի 154-րդ հոդվածի 1-ին մասի 1-ին կետով, ինչպես նաև ապահովելով փաստական հանգամանքների բազմակողմանի, լրիվ և օբյեկտիվ քննարկումը
1. Գագիկ Զաքարյանին ենթարկել վարչական պատասխանատվության, նրա նկատմամբ նշանակել վարչական տույժ, տուգանք՝ սահմանված նվազագույն աշխատավարձի երկուհարյուրապատիկի չափով, այն է՝ 200.000 (երկու հարյուր հազար) ՀՀ դրամի չափով:
2. Գագիկ Զաքարյանի կողմից տուգանքը պետք է վճարվի տուգանք նշանակելու մասին որոշումը նրան հանձնելու օրվանից ոչ ուշ, քան տասնհինգ օրվա ընթացքում՝ Գորիսի համայնքապետարանի 900285125150 հաշվեհամարին և վճարման անդորրագիրը ներկայացվի Գորիսի համայնքապետարանի աշխատակազմին:
3. Սույն որոշման պահանջները չկատարելու դեպքում օրենքով սահմանված կարգով այն ենթակա է հարկադիր կատարման՝ ՀՀ արդարադատության նախարարության հարկադիր կատարումն ապահովող ծառայության միջոցով:
4. Որոշման պատճենը 3 օրվա ընթացքում հանձնել Գագիկ Զաքարյանին:
5. Սույն որոշումն ուժի մեջ է մտնում որոշումը սահմանված կարգով Գագիկ Զաքարյանին հանձնելու օրվանից հետո:
6. Սույն որոշման դեմ գանգատ կարող է տրվել որոշումը սահմանված կարգով հանձնելու օրվանից հետո՝ երեսուն օրվա ընթացքում կամ ՀՀ վարչական դատարան՝ երկամսյա ժամկետում: