Ղեկավարվելով  «Տեղական  ինքնակառավարման  մասին» Հայաստանի Հանրապետության  օրենքի 35-րդ հոդվածի 1-ին մասի 24-րդ կետով, 45-րդ հոդվածի 1-ին մասի 8-րդ կետով,  «Տեղական տուրքերի  և  վճարների  մասին»  Հայաստանի Հանրապետության օրենքի   9-րդ,  12-րդ  հոդվածներով,  հիմք  ընդունելով  ՀՀ  Սյունիքի  մարզի Գորիս  համայնքի  ավագանու  2022 թվականի   դեկտեմբերի   26-ի   թիվ 161-Ն  որոշումը  և  «Սալ Քար Գազ»  ՍՊԸ-Ի տնօրեն Սարգիս Հովհաննիսյանի  (ՀՎՀՀ 09210673) սեղմված բնական գազի վաճառքի  թույլտվություն ստանալու մասին  հայտը

1. Բավարարել «ՍԱԼ ՔԱՐ ԳԱԶ» ՍՊԸ-ի տնօրեն Սարգիս Հովհաննիսյանի կողմից 2023 թվականի համար ներկայացված ՀՀ Սյունիքի մարզի Գորիս համայնքի Գորիս քաղաքի  Քրիստափորի  փողոցի  թիվ  1Ա հասցեում   գտնվող  գազալցակայանում  սեղմված   բնական  գազի  վաճառքի  թույլտվություն ստանալու հայտը:
2. Աշխատակազմի  ֆինանսատնտեսական  և  եկամուտների   հավաքագրման  բաժնին`  երեք օրվա ընթացքում սահմանված կարգով հայտատուին տրամադրել համապատասխան  թույլտվություն: