| Նպատակ | Հին Գորիսը լքվել է 20-րդ դարի սկզբներին և այսօր այն իր կառույցներով ներկայանում է ավերակ մի բնակավայր`
հանդիսանալով պատմահնագիտական արգելոց-թանգարան: Հաշվի առնելով, որ Հին Գորիսը հանդիսանում է քարայր-
կացարաններով միջնադարյան բացառիկ հուշարձանի եզակի օրինակ և գտնվում է բավականին վտանգված վիճակում
(որոշ քարայրներ կանգնած են փլուզման եզրին) առաջարկում ենք իրագործել բնակատեղիի ուսումնասիրման, մասնակի
վերականգնման և բարեկարգման ծրագիր: Դրանց, ինչպես հարկն է, պետք է նախորդեն հնագիտական աշխատանքները:
Ծրագիրը կնպաստի հուշարձանի պահպանմանն ու հանրայնացմանը: Առաջարկ կա նաև քարայրներից մի քանիսը բերել
որոշակի օգտագործման զանազան նպատակներով: Օրինակ, Մելիք Օհանի ապարանքը կարելի է վերածել ժողովրդա-
ազգագրական թանգարանի, այսինքն բերել մոտավորապես այնպիսի տեսքի, ինչպիսին որ այն եղել է նախնական
օգտագործման ժամանակ` վերածելով այն հանգստի սրահի: Դրանով մենք կունենանք հին կացարանի վերակազմություն,
ինչը մեծ հետաքրքրություն կառաջացնի` վերածելով այն բացօթյա թանգարանի: Միաժամանակ որոշ քարայրներ կարող
են դառնալ հուշանվերների տաղավարներ: Բնականաբար հուշարձանի հանդեպ հետաքրքրությունը կարող է նպաստել
զբոսաշրջության զարգացմանը և ապահովել նաև եկամուտներ: |