Ղեկավարվելով «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի 1-ին մասի 24-րդ կետով, 44-րդ հոդվածի 1-ին մասի 3-րդ կետով և «Ավտոմոբիլային տրանսպորտի մասին» ՀՀ օրենքով, հիմք ընդունելով Հայաստանի Հանրապետության կառավարության 2020 թվականի դեկտեմբերի 3-ի N 1994-Ն որոշումը,

1. Հաստատել Հայաստանի Հանրապետության Սյունիքի մարզի Գորիս քաղաքի թիվ 1, թիվ 2, թիվ 3, թիվ 4, թիվ 5 ավտոբուսային և միկրոավտոբուսային երթուղիներն ընդհանուր ավտոմոբիլային տրանսպորտով սպասարկելու իրավունքը ժամանակավոր հատկացնելու նպատակով ուղևորների կանոնավոր փոխադրումներ իրականացնող կազմակերպություններ և անհատ ձեռնարկատերեր ընտրելու նպատակով 2025 թվականի օգոստոսի 27-ին կայացած մրցույթի արդյունքների ամփոփման նիստի՝ 27.08.2025թ. թիվ 2 արձանագրությունը` համաձայն հավելվածի:

2. Համայնքի տարածքում ընդհանուր օգտագործման ավտոմոբիլային տրանսպորտով ուղևորների կանոնավոր փոխադրումներ իրականացնող կազմակերպությունների և անհատ ձեռնարկատերերի ընտրության մրցույթներում հաղթող ճանաչել․

1) Թիվ 1 և թիվ 3 (ավտոբուսային) երթուղիների համար՝ Ա/Ձ Վարդգես Պետրոսյանին,

2) Թիվ 2 և թիվ 4 (միկրոավտոբուսային/ավտոբուսային) երթուղիների համար՝ «Լաստ» ՍՊԸ-ին,

3) Թիվ 5 (միկրոավտոբուսային/ավտոբուսային) երթուղու համար՝ «ՇԱՀ-ՆԱՆ» ՍՊԸ-ին։

3. Մրցույթում հաղթած կազմակերպությունների և անհատ ձեռնարկատերի հետ կնքել թիվ 1, թիվ 2, թիվ 3, թիվ 4, թիվ 5 երթուղիներում ընդհանուր օգտագործման ավտոմոբիլային տրանսպորտով ուղևորների կանոնավոր փոխադրումներ իրականացնելու պայմանագրեր: