Ղեկավարվելով «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի 1-ին մասի 24-րդ կետով, 2019 թվականի դեկտեմբերի 3-ի «Անշարժ գույքի հարկով հարկման նպատակով անշարժ գույքի շուկայական արժեքին մոտարկված կադաստրային գնահատման կարգը սահմանելու մասին» թիվ 225-Ն օրենքով, ՀՀ կառավարության 2006 թվականի մայիսի 18-ի թիվ 912-Ն որոշմամբ հաստատված կարգի 34.2 կետով, 35-րդ կետի դ) ենթակետով, Հողային օրենսգրքի 63-րդ հոդվածի 2-րդ կետով, հիմք ընդունելով Գորիս  համայնքի ավագանու 2016 թվականի ապրիլի 15-ի թիվ 15-Ա որոշման դրույթները, և քննության առնելով Գորիս քաղաքի բնակիչ Մայիսիկ Ավագյանի 2022 թվականի փետրվարի 7-ի թիվ 440 դիմումը

1. Գորիս քաղաքի Մակիչի փողոցի թիվ 2/3 հասցեում գտնվող համայնքային սեփականություն հանդիսացող բնակավայրերի բնակելի կառուցապատման գոտում, Մայիսիկ Ավագյանի կողմից ինքնակամ կառուցված, օրինականացված և համայնքային սեփականություն գրանցված 34.2քմ արտաքին (28.7քմ ներքին)  մակերեսով ավտոտնակը (վկ.03052022-09-0026)(34.2x1422=48650) քառասունութ հազար վեց հարյուր հիսուն ՀՀ դրամով և 0.00342հա մակերեսով սպասարկման հողատարածքը (34.2x1878=64250) վաթսունչորս հազար երկու հարյուր հիսուն ՀՀ դրամով՝ ուղղակի վաճառքի միջոցով օտարել Մայիսիկ Ավագյանի:

2. Համայնքապետարանի աշխատակազմի քարտուղարին՝ ապահովել սույն որոշումից բխող գործառույթների իրականացումը: