Այսօր: Ուրբաթ, 15 Նոյեմբերի 2019թ.
Գորիսի համայնքապետարանի պաշտոնական կայք
Հյուրերի քանակը՝ 1487
ՀՀ ՍՅՈՒՆԻՔԻ ՄԱՐԶԻ ԳՈՐԻՍ ՀԱՄԱՅՆՔ
ԻՐԱԴԱՐՁՈՒԹՅՈՒՆՆԵՐ

ՆՈՐՈՒԹՅՈՒՆՆԵՐ
30.10.19 Առուշ Առուշանյանի հանձնարարականով, համայնքի բոլոր ՆՈՒՀ-երին տրամադրվել են գրենական պիտույքներ



Գորիս համայնքի ղեկավար Առուշ Առուշանյանը համայնքապետարանի մշակույթի, կրթության բաժնի հետ անցկացրած աշխատանքային խորհրդակցության ժամանակ հանձնարարել է բացառել նախկինում ընդունված սովորությունը՝ ծնողներից պահանջել գրենական պիտույքների փաթեթներ: Համայնքի ղեկավարի հանձնարարականով 11 ՆՈՒՀ-երի միջին և ավագ խմբերի թվով 644 երեխաների համար ձեռք են բերվել երեխաների կրթության արդյունավետ կազմակերպման, տրամաբանությունը զարգացնելու համար նախատեսված դիդակտիկ նյութեր, գրենական պիտույքներ:
Համայնքի ղեկավարը հանձնարարել է նաև շարունակել պարբերական շրջայցերը համայնքապետարանի ենթակայության մանկապարտեզներ և խստորեն վերահսկել նաև սննդի որակն ու պահպանման պայմանները

28.10.19 «Սյունիքյան մշակութային շրջագայություն» խորագիրը կրող մշակութային միջոցառման շրջանակներում Մեղրի համայնքն իր մշակույթով ներկայացավ Գորիսում:
ՀՀ Սյունիքի մարզպետարանի կողմից իրականացվող նախաձեռնության նպատակն է՝ ներկայացնել մարզի համայնքների մշակույթն ու առանձնահատկությունները, ընդլայնել միջհամայնքային մշակությաին համագործակցության ու կապերի շրջանակները, փոխայցելությունների միջոցով հայտնաբերել մարզի համայնքների, արվեստի տարբեր ոլորտների շնորհալի երիտասարդներին: Մեղրի համայնքի մշակույթը ներկայացնող ստեղծագործական խմբի կազմում ընդգրկված էին համայնքային ենթակայության մշակութային հաստատատություններ, Մեղրի համայնքում գործող պարային խմբեր և անհատ ստեղծագործողներ: Մեղրի համայնքի մշակութային հաստատությունները Գորիսի հանդիսատեսին ներկայացան գեղեցիկ ցուցադրություններով, երաժշտական և պարային կատարումներով: Մշակութային երեկոյին ներկա էին Մեղրու ... Մանրամասն
26.10.19 «Բիզնեսի սոցիալական կողմը» - սոցիալական ձեռնարկությունների ցուցահանդես և թեյախմության փառատոն՝ Գորիսում։
«ԵՄ-ն կանանց համար. տնտեսական հզորացում սոցիալական ձեռնարկությունների միջոցով» ծրագրի աջակցությամբ հիմնադրված սոցիալական ձեռնարկությունները՝ Սյունիքի մարզի չորս քաղաքներից, հնարավորություն ունեցան հանրությանը ներկայացնելու իրենց կողմից արտադրվող ապրանքները և մատուցվող ծառայությունները: Այցելուները հնարավորություն ստացան անվճար նկարահանվել աշնանային տաղավարում և տեղում ստանալ իրենց լուսանկարները: Երեխաների համար ստեղծվել էր նկարչության և էկո պայուսակների նկարազարդման հնարավորություն, ինչը բավականին ոգևորիչ էր փոքրիկ այցելուների համար:Փառատոնը զուգակցվում էր թեյախմությամբ, որը նախաձեռնել էր Գորիսի զարգացման կենտրոն ՀԿ-ն: Փառատոնի մասնակւցները հնարավորություն ունեցան վայելելու խոտաբույսերով ... Մանրամասն
24.10.19 Առուշ Առուշանյանը կապալառու ընկերությունների հետ զրույցում կարևորել է պայմանագրային պարտավորությունների պատշաճ կատարումը և նշել , որ համայնքում իրականացվող լայնածավալ շինաշխատանքների որակը մշտական վերահսկողության տակ է լինելու
Գորիս համայնքի ղեկավար Առուշ Առուշանյանն այցելել է շինհրապարակներ, ծանոթացել համայնքում ընթացող մեծածավալ շինաշխատանքների ընթացքին: Համայնքի ղեկավարի առաջին կանգառը Խնձորեսկում կառուցվող խմելու ջրի կապտաժների տարածքն էր: Կապտաժներից երկուսն արդեն կառուցված են, երրոդը՝ ընթացիկ, անց են կացվում ջրատար խողովակներ: Համայնքի ղեկավարն այցելել է նաև Վերիշեն բնակավար, որտեղ ևս աշխատանքային եռուզեռ է. 4-րդ դարի եկեղեցու , մշակույթի տան հարակից տարածքները վերակառուցվում են: Հիմնանորոգվում են մշակույթի տան առանձին սենյակները, որտեղ արվեստների կենտրոն է գործելու՝ տեղացի վարպետների համար ստեղծելով նոր աշխատատեղեր: Առուշանյանը դիտարկել է նաև թիվ 7 նախակրթարանի առաջին մասնաշենքում իրականացվող շինաշխատանքների ... Մանրամասն
23.10.19 Գորիսում իրականացվող ներհամայնքային ճանապարհների հիմնանորոգման, վերակառուցման աշխատանքներին զուգահեռ, մեկնարկել են ծայրամասային թաղամասերի, շենքերի բակերի բարեկարգման, հարթեցման աշխատանքներ


Գորիս համայնքում այս պահին մի շարք փողոցներում հիմնանորոգման, վերակառուցման և փոսային նորոգման աշխատանքներ են իրականացվում: Կապիտալ շինաշխատանքներին զուգահեռ ծայրամասային և բազմաբնակարան շենքերի բակերում ևս մեկնարկել են ճանապարհների հարթեցման աշխատանքներ: Հին Գորիս գյուղ, Հին վանքի տափ թաղամասերում, Խորենացի փողոցում աշխատանքներն ընթացքի մեջ են:

23.10.19 Մեր պատանի ֆուտբոլիստների հերթական հաղթանակը՝ 3։0 հաշվով։

 Գորիսի մանկապատանեկան մարզադպրոցի ֆուտբոլիստները ՀՀ ֆուտբոլի 2019-2020թթ. մինչև 15տ. մանկապատանեկան Մ-15 Բ2 առաջնությանը 3-0 հաշվով հաղթեցին Երևանի Ալաշկերտ թիմին: Շնորհավորում ենք մեր պատանիներին, մաղթում նոր հաջողություններ ու գոլառատ խաղեր։

19.10.19 Գորիս համայնքի ղեկավարը քաղաքացիների ընդունելություն է կատարել
Գորիս համայնքի ղեկավար Առուշ Առուշանյանը քաղաքացիների հերթական ընդունելությունն է կատարել, լսել է բարձրացված հարցերը, որոնք մասնավորապես վերաբերում էին սոցիալական խնդիրներին, աշխատանքի ընդունման հարցերին: Բարձրացված բոլոր հարցերին դրական ընթացք է տրվել: Համայնքի ղեկավարը համայնքապետարանիտարբեր բաժինների ղեկավարներին համապատասխան հանձնարարականներ է տվել՝ դրական լուծում տրված հարցերին վերաբերող գործընթացները կազմակերպել սեղմ ժամկետներում: Համայնքի ղեկավարին նաև շնորհակալություն են հայտնել նախորդ ընդունելության ժամանակ խոստացված բնակարանային խնդրի լուծման համար։ Առուշանյանն ընդգծել է, որ բազմաթիվ ընտանիքիների բնակարանային խնդիրները ևս ուշադրության կենտրոնում են, արդեն ընթացիկ ծրագրեր կան, որոնք ... Մանրամասն
18.10.19 Նոր մահճակալներ՝ Խնձորեսկ բնակավայրի մանկապարտեզին



«Աջակցենք սահմանամերձ բնակավայրերին» խմբի և «Արև» մանկապարտեզի համատեղ նախաձեռնությամբ, Գորիս համայնքի Խնձորեսկ բնակավայրի մանկապարտզին տրամադրվել են մահճակալներ՝ 30 երեխայի համար: Խումբը պարբերաբար բարեգործական նախաձեռնություններով է հանդես գալիս՝ աջակցելով սահմանամերձ բնակավայրերին: Հերթական նախաձեռնությունն իրականացվել է Խնձորեսկ բնակավայրում: Գորիսի համայնքապետարանը ողջունում է նախաձեռնության հեղինակների պատրաստակամությունն ու ջանքերը՝ աջակցելու սահմանամերձ բնակավայրերին:

1 2 3 4 5 6 7 8 9 10 ...


Բոլորը
ԱՎԱԳԱՆՈՒ ՆԻՍՏԵՐ
Գորիս համայնքի ավագանու նիստ 09.03.2019
Գորիս համայնքի ավագանու նիստ 12.02.2019
ՄԵՐ ԿՈՆՏԱԿՏՆԵՐԸ
ՄԻԱՑԵՔ ՄԵԶ
ՀՂՈՒՄՆԵՐ
Ք Գորիս, Անկախության 3

+37428422552

goris.syuniq@mta.gov.am

Պաշտոնական էլ. փոստ` @e-citizen.am
(միայն www.e-citizen.am համակարգով ծանուցումների համար)



© 2008 - 2019 Հեղինակային իրավունքները պաշտպանված են
ԳՈՐԻՍԻ ՀԱՄԱՅՆՔԱՊԵՏԱՐԱՆ
Մշակող   ՏՀԶՎԿ ՀԿ
Համայնքային կառավարման տեղեկատվական համակարգ 2.03
ԲԿԳ Մրցանակ 2015 - OGP Award 2015
2015 Regional Winner